القائمة الرئيسية

الصفحات

احسن طريقه لحفظ مادة الاحياء بسهوله من بداية الكتاب الى اخره 2020


افضل الطرق لدراسة مادة الاحياء للسادس الاعدادي 
كلاً حسب المواضيع تعرف على الطريقه

احسن طريقه لحفظ مادة الاحياء بسهوله من بداية الكتاب الى اخره 2020

بسم الله الرحمن الرحيم
السلام عليكم ورحمة الله وبركاته 
اطيب التمنيات واحر التحيات لكم اخوتي اقدم لكم من قناة احمد الداوودي للمدونه وفي التلكرام و اليوتيوب

===================

كيفية دراسة الاحياء..
اغلبكم يگول انو مادة الاحياء مادة حفظية، و هذا المفهوم خاطئ، مادة الاحياء تعتمد عالفهم ثم الحفظ اذا ما تفهم كل موضوع من الماده ما راح تكدر تحفظه. تمام ؟

الاحياء خمس افصل :-

الفصل الاول:- 
البداية مالته سهله، تصل لحد الانقسامات و الاغلبيه يعاني من الانقسامات زين شنو لازم نسويه؟ لازم نفهم كل انقسام قبل ما نحفظه الطريقه الي اني حفظت بيها الانقسامات ورقه و قلم جبتهم فهمت كل انقسام و سويت كل طور على شكل نقاط، مثلا الطور البيني يحدث فيه اولا... ثانيا...و هكذا بقيه الاطوار، و الله اذا سويتو هيج راح تفرقوا بين الاطورا و راح تفهموها و تحفظوها بسهوله.. السؤال الي اغلب شي يجي عالانقسامات (في اي طور او دور يحدث ما يلي) و قد يجي شرح.


الفصل الثاني:- 
الانسجه،الطريقه الي تدرسون بيها الانسجه تسوون جداول النسيج الفلاني، الموقع لان هيج تجي اسئله الانسجه.(ما موقع النسيج، ما وضيفه النسيج، الخ...)


الفصل الثالث:- 
طبعا مشكل عقده لدى اغلب الطلاب. زين شلون ندرسه؟ هذا الفصل يعتمد على الرسم اذا مو انتو و عتدرسوه ترسمو الشي المتعلق بالشرح ما راح تفهموه و لا تحفظوه و هذا الفصل يجي منه(موقع، وضيفه، منشأ، ما ميزه كل ما ياتي، الشرح يجي همات بس مو شي طويل، ما نوع التكاثر في ما ياتي، اعط مثال لكل مما ياتي و انواع اخرى من الاسئلة...).

الفصل الرابع :- 
سهل كولش لازم ينفهم قبل ما ينحفظ و خصوصا موضوع الرميح و تكوينه، اكثر شي يجي عليه شرح هذا الفصل، مثلا يكلك اشرح تكوين الاريمه الخ... َ
الفصل الخامس:- الوراثة، ينقسم نصفين، النصف الاول يعتمد عالفهم و الي هو حل الاسئله الوراثيه الي تعتمد على حفظ الرموز الوراثيه و فهم شيريد منك بالسؤال، النصف الثاني يعتمد عالحفظ طبعا اسهل فصل هو فصل الوراثه و تحصل الدرجه الكامله بيه بسهوله صدكوني بس افهموه.

شلون ادرس الاحياء و احفظها بدون ما انساها؟
نفس الطريقه تقريبا الي شرحنه بيها حفظ الادب راح تحفظون الاحياء يعني شلون؟
اولا تمسك الصفحه تقرأها و كأنما عتقرأ جريدة،. بعدها تقسم الصفحه فقرات كل فقره تفهمها و تحفظها و تكتبها ورقه و قلم بعدها تطلع من هاي الفقرة شكو موقع، وضيفه منشأ، تعليل، تعريف لان اسئله الاحياء تكون دقيقه و من بين الاسطر. تمام؟ كملتو الصفحه و كملتو الموضوع او الفصل، تحلون اسئلة الفصل بعدها تحلون شكو سؤال وزاري متعلق بالموضوع و لا تنسون الرسم كل موضوع تدرسوه تدرسون وياه الرسم كل رسمه تعيدوها مره مرتين ثلاث مرات لحد ما تضبطوها.

و هيج اضمنلكم بهاي الطريقه الدرجه الكامله ان شا الله بالاحياء لان اني بنفس هاي الطريقه درست.


الوراثة اني ما مسكت خصوصي على اي مدرس ادرس باليوتيوب؟
اني شخصيا ما مسكت خصوصي، درست عاليوتيوب على الاستاذ المبدع اسعد الاسدي درست عليه شلون احل الاسئله الوراثيه و فهمتها عليه الحمد لله انصحكم ادرسوها عليه،. و اذا عدكم مدرس اخر ترتاحون عليه ماكو مشكله اهم شي تفهمون الوراثه.


على اي مصدر اعتمد بدراسة الكتاب؟
الصراحة اني ما اعتمدت على اي ملزمه، فقط كتاب + اسئله وزارية ملزمة خالد الحيالي او اي ملزمه انتو ترتاحون عليها.


الي يريد يدرس الاحياء عالملزمه لازم تكون الملزمه متكامله و تكون مثل الكتاب ما ناقص منها شي , تمام؟

--------------------------------
نتمى منكم الاشتراك بقناة التلكرام 
رابط التلكرام هنااااا
رابط الفيسبوك هنااااا
رابط اليوتيوب هنااااا
رابط المدونه الرئيسيه هنااااا

--------------------------------

تحياتي لكم
احمـــــــد الداوودي
وتمنياتي لكم بالموفقيه والنجاح وبلوغ اعلى المراتب
شكرا لكم لمتابعه المنشور الى النهايه
🔸▬▬▬▬▬▬▬▬▬▬▬▬▬🔸
التعريف بالموقع : 
هذا الموقع تابع لاحمد الداوودي بشكل رسمي وكل ما ينشر في الموقع يخضع للمراقبة وموقع احمد غير مسؤول عن التعليقات على المواضيع كل شخص مسؤول عن نفسه عند كتابة التعليق بحيث لا يتحمل موقع احمد الداوودي اي مسؤولية قانونية حيال ذلك


reaction:

تعليقات