القائمة الرئيسية

الصفحات

ارشادات لدراسة رياضيات السادس الاعدادي وتوزيع الدرجات مع اهم النصائح لتسهيل حفظ وبتركيز للمادة

اهم الارشادات عن كيفيه السيطره على مادة رياضيات السادس الاعدادي للعلمي والادبي وكيف توزع الدرجات ونصائح مهمه 

ارشادات لدراسة رياضيات السادس الاعدادي وتوزيع الدرجات مع اهم النصائح لتسهيل حفظ وبتركيز للمادة 


بسم الله الرحمن الرحيم
السلام عليكم ورحمة الله وبركاته 
اطيب التمنيات واحر التحيات لكم اخوتي اقدم لكم من قناة احمد الداوودي للمدونه

اما بعد :
اكيد هسه الكل خاله جدول للمراجعه او ديقره بعض المواد الي ما مسيطر بيها وبعدين يجي على الجدول , بس خلي ابالكم ترى لازم انت هسه تبدي بالجدول الخاص بالمراجعه , يعني المفروض اترتب حالك وشيل من دماغك شي اسمه دوام انتهى ماكو دوام بعد , هسه العطله مال المراجعه الي كل سنه ينطوها بس انت محظوظ هلسنه بالقرارات والعطله الي من هسه انحسبت الك , استغل الفرصه ولاتهدر دقيقه , الموج وياك وبكل حيله لاتضيع الفرصه العظيمه الكم جماعة السادس , هسه راح نعتبر انو انت بديت بالرياضات او بادي بيها او بعد مابادي , بكل الاحوال خل ندخل بالمهم والمقصود من هذا المقال والعنون :

توزيع درجات الامتحان الوزاري (السادس العلمي) ح تكون:- 

الفصل الاول ٣٠ درجة

الفصل الثاني ٣٠ درجة

الفصل الثالث ٥٠ درجة

الفصل الرابع ٤٠ درجة

وكالعاده الشغلات الواضحه الي تكون ثابتة كل سنه ..مثلا الفصل الاول مبرهنه ديموفر و إيجاد قيمة x ,y
الفصل الثاني يجي سؤال مشترك بين القطع الناقص والقطع الزائد وسؤال آخر عن واحد منهم فقط ..
الفصل الثالث سؤال ع المعادلات المرتبطة بالزمن وسؤال عن آخر موضوع بالفصل ما اتذكر شنو اسم الموضوع بالضبط لكن ايضا عبارة عن مسائل اسطوانه ودائرة ...
نادرة ما يجي رسم الدالة دور اول ..انتبهوا ع هذه النقطه ..نادرا اذا تحبون تتأكدون تابعو الأسئلة الوزاريه للدور الاول ..
الفصل الرابع يكون شامل للفصل بصورة عامه ..يعني يجيب سؤال جد التكاملات وتكون نقاط هذا السؤال من كل تمارين الفصل ..من كل تمرين ماخذ نقطه ..وعادة تكون نصا من الكتاب ..كل الي عليك تسوي انه تضبط افكار الكتاب ضبط لا تترك اي نقطة من اي تمارين حتى اذا كانت سهله ..لأن اسئلة الرياضيات دور اول ع الأغلب تكون نصا ..اذا صار عندك وقت اطلع ع الأسئلة الوزاريه بعد كل فصل تقرا ..الاسئلة تكون من ٢٠١١ وورى ..لأن الاسئلة السنوات قبل ٢٠١١ ح تكون معقدة وتحبطك اني العام قريت من ١٩٨٥ وبالتالي اجتي نصا من الكتاب...فلا يغرك كثر الوزاريات الي تقراها ولا تفكر نفسك مضابط المادة اذا مكدرت تحل خارجي ..مجرد تطلع ع الافكار لا أكثر وانت من تضبط تمارين الكتاب وامثلته اصعب سؤال خارجي راح تكدر تحله ..لا تخافون من الرياضات لان شكد متقروا وشكد متضبطوا تحسون نفسكم بعد شهر نسيتوا ..هذا الشي طبيعي اني رحت للإمتحان جنت متوقعه راح أجل من كد مناسيته بس من جتي الأسئلة امتحنت وخلصت من الدور الاول ..لا تستصعبون اي شي بالحياة

=================


نصيحه من طالبه نجحت العام وجابت طب ارجوا ان تتبعون التعليمات والنصيحه :

طبعا ح نحجيلكم شوي عن فترة المراجعة اللي جهدكم بيها لازم يكون مضاعف حاولوا تنظمون وقت النوم والكعده والأفضل علميا أن النوم يكون ببداية الليل والأستيقاظ وقت الفجر ...يكون وقت الفجر هو أفضل وقت للدراسه وللحفظ بالأخص..أقروا بدون توتر وخلوا تركيزكم على هدفكم أنتوا كدها وصلتوا لهالمرحله بتعبكم وجهدكم وح تطلعون منها بجهدكم وسعيكم والدرجات الحلوه أن شاء الله لتفكرون بأي شي بهاي الفتره بس صيروا أنانيين أخلي بالي من نومي وأكلي ودراستي أنعزلوا عن العالم الخارجي أبتعدوا عن أي شي يلهيكم....جدول المراجعة أنتوا سوو بناءً على نقاط الضعف والقوه عدكم ...أبدوا بالمواضيع الحسابيه اللي هي متنسي بسهوله مثل الباقي ...عدكم فرصه ذهبيه أغلب المواضيع الصعبه واللي يعاني منها الطالب وبالأخص اللي يتعاجزون أو يكرهون الحفظ مثلي نحذفت... بعض الطلاب يسمعون هواي كلام سلبي ويتعرضون للأستهزاء من الغير هذا كله لتعيروله أي أنتباه صدكوني بعد متصلون للي تريدووا هم نفسهم ح يصفكولكم ويحترموكم وكل شي يتغير...عادي ح تمرون بيأس وفترات قلق عصيبه كله طبيعي كلما تضوجون أتوضوا وصلوا ركعتين..شكد متكدرون كونوا قريبين من رب العالميين هو الوحيد اللي يعرف بشنو دتمرون وهو الوحيد اللي يساعدكم...ولتفكرون بسالفة المعدلات ح ترتفع ويطلعلنا معهد ...الخ، اللي الله كاتبه حتشوفه اذا الله كاتبلك شي محد يمنعه عنك خذوا بالأسباب اللي هي الدراسه والتركيز والباقي على الله ...وماكو أحلى من الأنسان يحصل الشي اللي يريده بتعبه..

--------------------------------
نتمى منكم الاشتراك بقناة التلكرام 
رابط التلكرام هنااااا
رابط الفيسبوك هنااااا
رابط اليوتيوب هنااااا
رابط المدونه الرئيسيه هنااااا
--------------------------------
تحياتي لكم
احمـــــــد الداوودي
وتمنياتي لكم بالموفقيه والنجاح وبلوغ اعلى المراتب
شكرا لكم لمتابعه المنشور الى النهايه
🔸▬▬▬▬▬▬▬▬▬▬▬▬▬🔸
التعريف بالموقع : 
هذا الموقع تابع لاحمد الداوودي بشكل رسمي وكل ما ينشر في الموقع يخضع للمراقبة وموقع احمد غير مسؤول عن التعليقات على المواضيع كل شخص مسؤول عن نفسه عند كتابة التعليق بحيث لا يتحمل موقع احمد الداوودي اي مسؤولية قانونية حيال ذلك
reaction:

تعليقات