القائمة الرئيسية

الصفحات

نصائح ودلائل لقراءة العربي للسادس اعدادي والثالث المتوسط تعرف على التفاصيل 2020

نصائح اتفيدك لقراءة وحفظ اللغه العربيه للسادس الاعدادي وحتى للثالث متوسط اقراها ومتندم اذا اتريد درجات عاليه 2020

نصائح ودلائل لقراءة العربي للسادس اعدادي والثالث المتوسط تعرف على التفاصيل 2020
السلام عليكم ورحمة الله وبركاته 
اطيب التمنيات واحر التحيات لكم اخوتي اقدم لكم من قناة احمد الداوودي للمدونه وفي التلكرام واليوتيوب لاسئله الصفوف كافه من فديوات وصور على المدونه وخاصه الصفوف المنتهيه والغير منتهيه للعام الدراسي 2020 ولكل محافظات العراق لاسئلة نصف السنه ونهايه السنه زورو الموقع الخاص بالاسئله على موقعنا احمد الداوودي .
======================


القواعد من اسمها هي عبارة عن عدة مواضيع وبكل موضوع اكو قاعدة.... نحفظ هاي القاعدة ونطبق القاعدة على الجمل الي قد تكون آيات قرانية او اشعار او اي جملة مفيدة وهاي هي ماكواكثر.

الملخص : - تحفظ القاعدة ونطبق عليها الأمثلة .

شروط لازم تسويها حتى تكون قوية بالقواعد :

اولا : تاخذلك ملزمة زينة ( لان الكتاب ابد ما يكفي لفهم القواعد) .

ثانيا : تثبت على ملزمة وما تغيرها ابد لان بس تقرا على اكثر من ملزمة راح تتشتت افكارك .

ثالثا : ضروري جداً دراسة وزاريات القواعد لسنوات مختلفة ومتنوعة حتى تتقوى بالمادة وتكون قوي بيها وبدون وزاريات صعب جداً انك تسيطر على القواعد .

رابعا : دائما بالحل تستخدم ورقة وقلم دائما .


نجي على مادة الادب والنصوص السادس من المواد المزعجة بالسادس لأنها مادة تحجي عن شعراء وحياتهم وقصائدهم . هواية شعراء فيصير عدنا تشابك بين شاعر وشاعر ونصير صعب نميز بين حياة هذا الشعر او ذاك .

لكن شلون اني اكدر اتجنب هاي المشكلة واسيطر على الأدب واجيب 40 درجة بالوزاري ؟
الحل انك أي شاعر لازم تربطو بشخص تعرفو بحياتك حتى يصير سهل عليك تذكرو بالامتحان . يعني تدرس الأدب بطريقة فكاهية مرحة مثلاً محمد مهدي الجواهري تربطو بأي محمد تعرفو وتبدي تتخيل انه هذا فعلاً هو محمد مهدي الجواهري وتبدي تقرا عن حياة وإنجازات هذا الشخص وتربطو بصديقك وتتخيل أنه هو محمد مهدي الجواهري شنو مر بظروف وشلون حب وشسوا وشلون انتهت قصتو ..


صدگني طريقة كلش مفيدة للتذكر والتفريق بين شاعر وشاعر . وهيج

طريقة مضمونه نخلص من مشكلة الأدب .

بس طبعا تحتاج التكرار بمادة الادب لأن بالنهاية هي مادة جافة . وطبعا دائما تقراه ورقة وقلم وأيضا تسمع نفسك .. يعني تكتب وتسمع نفسك او تحاول تشرح لنفسك وتتخيل روحك أستاذ تشرح لطلاب وشوف شلون حتفهم .


الانشاء يتكون من ثلاثة أجزاء رئيسية :

أولا : 
المقدمة : 
هواية طلاب ماخذين فكرة غلط أنه يحفظون مقدمة جاهزة للأنشاء وهذا غلط كلش چبير , هو اسمو انشاء يعني شي ارتجالي يعني شي انت تكتبو مو تنقلو من شخص آخر تمام ؟ فأنت تكتب مقدمة بسيطة ما تتجاوز ٤ أسطر , لأنه المصحح من يجي يشوف مقدمتك روتينية وجاهزة اصلا احتمال ما يكمل الانشاء ورأسا يخليلك درجة من عندو . لأن عندو هواية دفاتر وانت جايب مقدمة مثل غيرك جاهزة فراسا ماراح يكمل الانشاء ويخلي درجة من عندو .. لذلك الافضل انت تكتب المقدمة من عندك حتى المصحح يكمل قراءة انشااءك وينطيك درجة قوية .

ثانيا : 
طرح او عرض الموضوع : يعني تبدي تحجي عن موضوع الانشاء إيجابيات وسلبيات الموضوع . ودائما قوة الانشاء تعتمد على الآيات القرآنية والأحاديث النبوية والاقوال والابيات الشعرية . يعني انشاءك يكون قوي ومناسب لمن تذكر آيات قرآنية عن الموضوع الانشائي وأحاديث نبوية وأبيات شعرية وأقوال .

وطبعا معظم الدرجة بالانشاء هي تكون على هذه الفقرة تمام ؟ ف اعتني بيها زين .

ثالثا : 
الخاتمة : تكتب خاتمة بسيطة عن الموضوع مثلا أن تكون خاتمة على شكل دعاء او شي بسيط يخص الموضوع مو تجيب خاتمة مو يم الموضوع وهم لا تزيد عن ثلاث سطور او أربعة.


ملاحظات مهمة عند كتابة الانشاء :-

أولا: الخط يكون واضح .

ثانيا : تكتب سطر اي وسطر لا .

ثالثا : علامات الترقيم مهمة كلش .


ملاحظات عن الأسئلة الوزارية لمادة اللغة العربية :

أولا : في وجه ورقة الأسئلة أسئلة قواعد اللغة العربية ( ٤٠ ) درجة .

طبعاً بالامتحان يجي تقريباً ٤٨ درجة عن القواعد وتجاوب على ٤٠ درجة مع وجود ترك ضمني داخل الاسئلة.

ثانياً : أسئلة الادب : في ظهر الورثة (٤٠) درجة ايضاً ٤٨ درجة تقريباً عن الأدب والإجابة على ٤٠ درجة مع ترك ضمني داخل الاسئلة .

ثالثا : الانشاء: في نهاية الاسئلة ( ٢٠ ) درجة . طبعاً يجون انشاءين دائماً وتترك انشاء وتجاوب انشاء .




--------------------------------
نتمى منكم الاشتراك بقناة التلكرام 
رابط قناة التلكرام هنااااا
رابط صفحة الفيسبوك هنااااا
رابط قناة اليوتيوب هنااااا
رابط المدونه الرئيسيه هنااااا
--------------------------------
تحياتي لكم
احمـــــــد الداوودي
وتمنياتي لكم بالموفقيه والنجاح وبلوغ اعلى المراتب
شكرا لكم لمتابعه المنشور الى النهايه
🔸▬▬▬▬▬▬▬▬▬▬▬▬▬🔸
التعريف بالموقع : 
هذا الموقع تابع لاحمد الداوودي بشكل رسمي وكل ما ينشر في الموقع يخضع للمراقبة وموقع احمد غير مسؤول عن التعليقات على المواضيع كل شخص مسؤول عن نفسه عند كتابة التعليق بحيث لا يتحمل موقع احمد الداوودي اي مسؤولية قانونية حيال ذلك
reaction:

تعليقات