تفاصيل كليات الهندسه الميكانيكيه لخريجي طلبة السادس العلمي للاحيائي والتطبيقي للعام 2020/2019
 |
| بالتفصيل عن كليات الهنسه الميكانيكيه في جامعات العراق للفرع العلمي لخريجي عام 2019 - 2020 |
قناة احمد الداوودي للمدونه وفي التلكرام و اليوتيوب و الفيس بوك
كليات الهندسة الميكانيك
هي فرع من فروع الهندسة يهتم بتصميم، وتصنيع، وتشغيل، وتطوير الآلات أو الأجهزة المستخدمة في مختلف قطاعات النشاطات الاقتصادية وهو تخصص واسع له علاقة بكل مجالات الحياة. فالهندسة الميكانيكية تتعلق مثلا بصناعات الفضاء، والطيران، وبالإنتاج، وتحويل الطاقة، وميكانيكا الأبنية، والنقل، وتكنولوجيا تكييف الهواء والتبريد، وفي النمذجة والمحاكاة المعلوماتية.
س1/ شكد تقبل معدل ؟
جامعة بغداد في العام الماضي قبلت اقل معدل 89.1 للاحيائي و 79.7 للتطبيقي
س2/ هل التعيين مركزي؟
التعيين غير مركزي
س3/ هل يوجد هندسة ميكانيكية مسائي ؟وشكد القسط ووين ؟
نعم يوجد ومن ضمن الجامعات الي يوجد بيها هندسه ميكانيك مسائي. هي الجامعه التكنولوجية القسط (3) مليون
والمعدلات حسب الجامعه التكنولوجيه راح تكون حسب الاقسام وتختلف من كلية الى اخرى وكما يلي :
١/ الهندسة الميكانيكية / الميكانيك العام / الحد الادنى 80.14
٢/ الهندسة الميكانيكية / ميكانيك السيارات / الحد الادنى 75.14
٣/ الهندسة الميكانيكية / ميكانيك الطائرات / الحد الادنى 76.42
٤/ الهندسة الميكانيكية / ميكانيك التكييف والتجميد / الحد الادنى 75.4
س4/ بعد مااتخرج شنو اكمل دراسه العليا الي أكدر اكملها واحصل ع شهادة ؟
تكدر تكمل وتحصل على الماجستير والدكتوراه في الهندسة الميكانيكية
س5/ بعد مااتخرج وين راح يكون مجال عملي ؟
شركات النفط ومحطات الكهرباء وورش الصيانة بالمستشفيات والامانة والوزارات مالت النقل والاسكان والزراعة
س6/ كم سنة مدة الدراسه ؟
اربع سنوات
س7/ شنو طبيعة الدراسه ؟
طبيعة الدراسه نظري وعملي
النظري مواد تدرسها وتمتحن بيها
العملية المكائن مجرد يعلمونك عليهم ادوات اللحام مكائن سي ان سي ومخرطة هيج شي .
س8/ اكو هندسه ميكانيك اهلي ؟وشكد المعدل والقسط؟
يوجد اهلي فقط لقسم واحد وهو قسم التبريد و التكييف يقبل معدل 60 اقل قسط 2250000 في( الكلية الإسلامية الجامعة) في النجف الاشرف .
س10/ كيف توزيع الدرجه عل كل مرحله؟،
نظام الكليه فصلي يعني فصل اول وثاني كل واحد بي عملي ونظري
نصيحة (1)
من طالبة في جامعة ديالى قسم هندسه ميكانيك
هو قسم صعب ابد مو سهل ويحتاج دراسة هواي اني قسمي عام اكو هواي اقسام بس تفيد الولد مثل طيران وتبريد وتكييف بس العام يفيد البنية حتى تتعين بأي مكان طبيعه الدراسه رياضيات وفيزياء واكو مواد حفظ كله انكليزي ندرسه سنتين اكو عملي بس جامعات العراق تقريبا كلهن مابيهن اجهزة حديثة يعني اكثر شي نظري. والعملي احتمال بس يشوفوكم الاجهزة اني جنت جامعة ديالى مجان اكو اجهزة حديثة ودراستنا اغلبها ع الاجهزة الحديثة
نصيحة (2)
جامعه بغداد بيها الميكانيك ينقسم عدة أقسام وبالنسبة للدراسة صعبة دراسة الميكانيك بالنسبة الي ماجنت اقرا يومية لان ماالحك اقرا بس قبل الامتحان مختبرات اكو وورش عمل هم اكو الشي الحلو هي اللمة الحلوة للناس الي راح تدرسون وياهم يطلعوكم من مًود الدراسة
07500824814