القائمة الرئيسية

الصفحات

قصة حب جمعت اثنين لسنوات من الصبر حتى يجمعهم الزواح | لكن القدر يخفي لهم المكتوب

القدر يغير قصة حب سنين ونهايه غير متوقعه بعد سنوات من الصبر 

قصة حب جمعت اثنين لسنوات من الصبر حتى يجمعهم الزواح | لكن القدير يخفي لهم المكتوب

السلام عليكم ورحمة الله وبركاته 

لكم مني اطيب التمنيات واحر التحيات لكم اخوتي الكرام اهلا بكم على موقع الداوودي شعار المصداقيه من خلال اشتراكك بأحدى مواقع قنواتنا راح تعرف الحقيقه والمصداقيه بالاخبار والمعلومات والمرشحات ونشر الاسئله المفيده والملازم الجيده واخبار الدوائر الخدميه وهيئة التقاعد و وزارة العمل ستتعرف على اهميه الاخبار لدينا ومصداقيتها ونقلها بسرعه من المصدر والان اقدم لكم روابط قناة احمد الداوودي للمدونه الرئيسيه ومدونة اتعلم ويانه التعليميه وفي التلكرام و اليوتيوب و الفيس بوك

============================

قصة اليوم عن اثنين جمعهم القدر لقصه حب لسنوات من الصبر شوفوا ايش كانت النهايه .


كل شيء يصير بحياتك مقدر ومكتوب وكل قدر وكل شيء كتبه ربي لك فيه حكمه ماتدري يمكن تكون خيره لك.


قبس،كانت تعيش قبس وحيده مع امها وابوها وكانت حياتها سعيده وعاديه مثلها مثل اي عائله،،،بس مشكلتهم مع ابوهم… ابوهم كان مدمن مخدرات وكان اغلب وقته بره البيت... وميرجع بس بأوقات متأخره من الليل ومكان يهتم بقبس ولا بزوجته...ولا كان يفكر بأحد...عاشت وتربت قبس في بيتهم الصغير...الي كانت هيه الوحيده فيه...مكان عدها لا اخوان ولا اهل قريبين منها...ولا كان عدها جيران...كان الشيء الوحيد القريب منها صديقاتها الي في المدرسه...مرت الايام وكبرت قبس...واستمر الوضع الى ان اصبح عمرها19سنه.


وطبعا هل سنه كانت اخر سنه القبس في الثانويه،،،وخلال هل فتره صديقه قبس عرفتها على شاب...كانت تتواصل وياه على الجوال،،،وطبعا قبس بعمرها مسوت هل شيء ولا كانت تفكر ان تسوي في يوم... بس صديقتها اقنعتها ان الشيء عادي...
واقنعتها انه مجرد صديق حتى متشعر بلملل...يوم بعد يوم صارت قبس تتكلم مع محمد ومكانت تشعر بخوف نفس اول مره...وكانت تتكلم معاه وتشكيله عن حالها...وحال ابوها والمشاكل الي تصير بينهم...الى ان صار يعرف كل شيء عنها...حتى ابسط واصغر التفاصيل...وبعد تخرج قبس من المرحله الثانويه قررت ان تكمل دراستها في الجامعه... ابوها وامها كانو موافقين...ومحد منهم كان معترض...بدات دراستها وبدات حياتها تتغير بشكل كبير...بس رغم التغير الي صار بحياتها الا ان محمد بقى يتواصل معاها...وكانت كل يوم علاقتهم تكبر اكثر واكثر...الى ان جاء في اليوم الي اعترف بي محمد القبس ان يحبها...وكالت قبس ان تبادله نفس الشعور...ومرت الايام واستمرت حياة قبس ومحمد الى ان وصلت السنه الرابعه من علاقتهم...وفي السنه الرابعه صار مع قبس شيء الي متمنته ان يصير...جاء ابوها في ذاك اليوم وقال لها ان جاء شخص يتقدملها...وكان ينتظر ردها وقبس مكانت تعرف شنو تقول وشنو ترد...وابوها كرر عليها السؤال اكثر من مره...لكن قبس صدمت ابوها برفضها للشخص كان متوقع انها ساكته لان مستحيه...ابوها قال لها ليش رفضتي؟
وانتي ماتعرفي اصلا...قالت ان سبب رفضي لان تريد تكمل جامعتها...بس هل سبب مكان مقنع الابوها...قال ان الشخص الي تقدملج لم يمانع بتكميلج الدراستج حتى لو بعد الزواج...قبس ارتبكت ومعرفت شنو ترد...قالت مااريده ومموافقه عليه ابدا...ابوها حس ان في شيء مخبيته...قال ابوها قبس هل في احد بحياتك...قبس كان الارتباك في عيونها وقالت له لالالامافي احد...ابوها قال يا بنتي اذا في احد تكلمي لا تخافين ولا تستحين...انا ابوج وصديقج واخوج ومستعد اكون كل شيء الج بس لتخبين عني شيء...ارتاحت قبس من كلام ابوها وحست ان بيساعدها وقررت ان تعترف... قالت يي في شخص بحياتي ووعدني ان راح يتزوجني ...ابوها قال ليش مكتيلي من قبل؟انا عادي ماعندي اي مشكله خلاص يبنتي انا اعطيج مهله شهر يجي ويتقدملج وان شاء الله ربي يتمملكم على خير...قبس مصدكت وحست انها بحلم كانت فرحانه وطايره من الفرح وبنفس الوقت اخذت جوالها وكلمت محمد وكالتله كل السالفه الي صارت بينها وبين ابوها وكالتله ان ابوها موافق عليه بس عنده مهله لمده شهر يجي ويتقدم فيها...محمد فرح بهل خبر الي سمعه من قبس وكال ان بيكلم اهله وبأقرب وقت يجي ويتقدملها...بعد مرور سبوع اتصل محمد على قبس قال كلمت اهلي بخصوص موضوع زواجنه...قالت بشر شنو ردهم؟قال للاسف رفضوا...والسبب لان باقي ادرس وماعندي وظيفه قبس وقتها لم تستطيع الرد عليه...قالت ابوي كال اذا ماتجي بعد شهر مراح نكدر نزوج ابدا...قال محمد انا اسف مو بيدي شيء والموضوع كله بأيد اهلي...بنفس الوقت قبس انهت المكالمه وكلها قهر من الكلام الي سمعته من محمد...صحيح مافي شي بأيد محمد لكن كانت تحس انه كذب عليها وبالاصح مكلم اهله بلموضوع وقال لها كذا ليتخلص منها...وبعد مرور شهر الي حدده ابو قبس لها جاء وسألها وين الي كلتي بيجي يخطبج؟

 قال انا مو اعطيتك مهله شهر يجي...قالت كلمته وكال ان اهله رافضين لان باقي طالب وماعنده وظيفه...قال انا اعطيته مهله وطلع كذاب ومو كد كلامه خلص من اليوم ورايح مااريد تتواصلين وياه ابدا ولا تكلمي واذا شفتك بيوم بتكسري كلامي وتتواصلي وياه راح يصير شيء مايرضيك وافقت قبس على كلام ابوها وعدته ان متتواصل وياه... بس كذبت على ابوها واستمرت بعلاقتها مع محمد واستمرت لمده طويله وصلت لسنه تقريبا...بعد مرور سنه كشفها ابوها انها تتواصل مع محمد وتنرفز من الشيء الي سوته قبس ومكان متوقع انها راح تكذب عليه...اخذ جوال قبس واتصل على محمد وحذره ان ميتواصل مع قبس ولا يفكر بان يتقرب منها ابدا...في اليوم الثاني ابو قبس غير رقم قبس وحذرها بان تتواصل معاه مره ثانيه...بس للأسف رجعت تتواصل مع محمد بلرقم الجديد ومااهتمت لكلام ابوها وكانت تتواصل بلفترات الي تكون بره البيت...
يعني في الكليه او في السوق او عند صديقاتها ومكانت تكلم محمد في البيت ابدا...استمرت حياة قبس الى هل وضع وكان كل يوم اسوأ من اليوم الي قبله بسبب ابوها وبسبب حالته الي كل يوم تصير للاسوأ بسبب المخدرات الي كانت تخلي يفقد عقله لدرجه ان في يوم من الايام...رجع للبيت في وقت متأخر وراح على غرفه قبس وفتح الباب وكانت قبس تدرس على الابتوب...سألها وهوه فاقد الوعي كال لها منو الي كنتي طالعه معاه اليوم لكن قبس حتى لما تعرفت على محمد بعمرها مطالعه معاه وكل الي كان بينهم في الجوال فقط...كالت مطلعت مع احد كال اعترفي لتكذبين كالت والله مطالعه مع احد وانت الي رجعتني من الكليه بنفسك... كال كذابه شفتك وانتي طالعه مع واحد وبدأ يضربها وكسر جوالها وغراضها الي لبغرفه كلها...وكان راد يموتها لو ما امها صحت ومسكته وبعدها ...
قال لها مستحيل اخليك تخلصين الكليه ومن اليوم ورايح ما في كليه انتي مكانك في البيت واي شخص يجي يتقدملج بوافق عليه بدون اي تردد بدون مااخذ رأيك...كان اسوأ يوم يمر بحياة قبس واول مره ابوها يضربها ويتكلم عنها بهل طريقه...وماكدرت تنام بهل يوم وكانت كارهه نفسها وكانت تفكر بأنها تطلع من البيت وتروح اي بيت من صديقاتها...بعد ساعات كامت توضت وصلت ركعتين ورجعت لغرفتها وبعد صلاتها ارتاحت شوي وكدرت تنام...صحت بليوم الثاني على امل بأن ابوها يتغير ويكون الي صار امس كله بسبب المخدرات...راحت عنده واول مادخلت الغرفه طردها كال اطلعي بره مااريد اشوفك كالتله ليش كال لها انتي عارفه...كانت قبس واثقه ومتأكده انها مسوت شي وكعدت تتكلم عن الجامعه وان عندها دوام بس كان رافض...وكال خلص انسي الجامعه ماراح تطلعين من البيت حتى لو كان بيت صديقاتج راحت قبس الامها حتى تقنع ابوها بان ترجع للجامعه بس كان رافض حتى انها تطلع من البيت...مر الشهر الاول والثاني والثالث وسنه كامله كعدت بلبيت بدون دراسه وبدون متطلع بأي مكان حتى في ايام العيد...ومنعها من ان تطلع لأي مكان وبذيج الفتره كرهت قبس ابوها بشكل مو طبيعي وكانت تتهرب منه وكانت تتحسب عليه بكل وقت وبكل صلاه لان اتهمها ظلم...وبلنسبه لمحمد بعد المشكله بثلاث شهور انكطعت عنه لان مااهتم فيها...ومااهتم لاي شيء صار مع قبس ولا حتى فكر بأن يتصل مع ابوها ويفهمه عن وضعه بس مااهتم... وبعد مرور سنه عن الحاله الي كانت فيها قبس وبعد محاولات من قبس وامها بان ترجع الجامعه وبعد ما عرف وحس ابوها ان انفصلت عن محمد سمح لقبس ترجع للجامعه...رجعت للجامعه ورجعت حياة قبس الطبيعيه الي بدون محمد انكطعت عن محمد لمده سنه وفي السنه الثانيه في الجامعه تقدم لها شخص من نفس المنطقه الي كانت فيها...وافقت عليه بدون تردد لان كالت لمحمد ان اي شخص راح يتقدملها اهلها حيوافقون وكان يقول لها اتفائلي مراح يجي احد الى ان صار الي صار...تقدم شخص لها وافقت قبس وتمت الخطوبه وكل شيء كان تمام وبعد ثلاث اشهر من خطوبتها كانت توصلها رسائل من محمد وكانت تحاول تتجاهلها بأي طريقه ومترد عليه...بس كان يرسل ومو مهتم لتجاهلها حاولت وحاولت الى ان وصلت المرحله متكدر تتحمل كالت بترد عليه وبتقوله انها مخطوبه وميصير بتكلمه...وبلفعل ردت عليه وكالتله كل شيء صار معها كاللها ارفضي وانا باخذك...قالتله مستحيل انا كلمتك من البدايه وكتلك باي وقت يمكن اضيع من ايدك بس انت مهتميت وتركتني طول هل فتره وهسه تجي دكول اريدج؟
لالالا مستحيل تضايق محمد من كلامها ورد عليها وهوه مقهور حسبي الله ونعم الوكيل حبي كان صادق واخر شيء تسوين فيني كذا؟
قبس مهتمت الكلامه وكالتله لترسل شيء ولا اريد اشوف منك اي شيء وبعد مرور شهر بلضبط بين الكلام الي بينها وبين محمد خطيب قبس بدا يتغير عن اول بكثير وكانت حاسه ان في شيء مخبي عليها...كانت تسأله ليش متغير شصاير يكول لها مافي شيء وكانت كل يوم علاقتهم تصير اسوأ من اليوم الي قبله الى ان جاء اليوم الي صارحها فيه...قال انه ميريدها سألته شنو السبب كال ان الي يحبها رجعتله وان يريد يزوج الي يحبها قبس مكانت متوقعه ان هل شيء بيصير...بس معارضت ابدا على طلبه راحت وكلمت اهلها ان تريد ترفضه اهلها تفهموا واتقبلوا الموضوع وانتهى كل شيء بينهم بعد سبوعين قررت قبس ان تكلم محمد بلشيء الي صار معها حتى يرتاح من القهر الي ديحس بي...اتصلت عليه وكالتله ان انفصلت عن خطيبها وكالتله كل شيء صار معاها وكالتله اجيت اكلك حتى ترتاح...محمد بهل وقت معرف شنو يرد كان طاير من الفرح بس الي قتلت فرحه محمد قبس كالتله انا اجيت اقولك لترتاح بس مكلتلك حتى نرجع البعض...كالتله انا مااريدك انا كرهتك ... ومسحت رقمه وقفلت جوالها وكان يتصل كل يوم بس مترد عليه يرسل ولا ترد ولا تعطي اي اهتمام وبعد شهرين من المحاوله قررت تجاوبه وتشوفه شيريد...ردت عليه وقالتله محمد انا كلتلك لتتصل علي ولا ترسلي اي رساله...قال قبس والله العظيم اريدج ومستعد اسوي اي شيء حتى اكون وياج...انا غلطت واعترف بغلطي والمفروض كنت اتصل مع ابوج وافهمه كل شيء بس هسه مستعد اسوي اي شيء حتى تكونين الي قبس وقتها معرفت شنو ترد...كانت تريده بس خايفه ان يخذلها نفس مخذلها قبل...حاول مع قبس وكان يكلمها كل يوم الى ان رجعوا البعض وبنفس الشهر توضف محمد وقال القبس اعطيني رقم ابوج اكلمه كانت قبس تضحك عبالها يمزح معاها لان بعمره مطلب رقم ابوها كانت تضحك كلها ليش تضحكين اريد رقم ابوج اتقدملج...قال كلمت اهلي عنك وكلهم موافقين قبس بدات تبكي من الفرح ومو مصدكه ان حيكون زوجها وخايفه ان ابوها يرفضه...واعطت رقم ابوها لمحمد وبعد مرور سبوع اتصل محمد على ابوها وكانت مكالمه طويله شرح فيها محمد كل وضعه وشنو صار معاه وشنو السبب الي خلاه يتأخر...
وقبس بلوقت الي كان محمد يتكلم مع ابوها كانت على اعصابها خايفه من ابوها بان يضربها او يسوي معها نفس الره الاولى كانت تنتظر بغرفتها وهيه خايفه ومرتبكه وبعد ساعتين اجه ابوها الغرفتها...الخوف كان بيقتلها بذاك الوقت جلس جمبها وكال لها قبس محمد كلمني وكلي عن كل شيء ودام هل رجال مكدر ينساج كل هل سنين وجاي يتقدملج مستحيل حرفض...انتي موافقه عليه؟
واكيد قبس كانت موافقه وكان اسعد يوم القبس ومحمد وبعدها بساعات اتصل محمد عليها وكالتله ان ابوها موافق وحكتله عن كل شيء صار بعد المكالمه كانو فرحانين بذاك الوقت وبالاصح مو مصدكين الي كان يصير معهم بذاك الوقت كأنهم في حلم... وبعد كم شهر اجه اليوم الي كانوا ينتضروا تزوجوا قبس ومحمد...تزوجوا وعاشوا حياة احلى مما كانو يتخيلونها...وكدروا يتزوجون بعد معاناة طويله.

============ 
 مهم لك عزيزي الزائر الكريم شرفتنا ونحب تواجدك معنا
 قنوات ومواقع التواصل الاجتماعي الرسمية لاحد الداوودي  تابعنا باي مكان تريد حيث المصداقية والحقيقة في النشر اولا باول  وهذه هي المواقع الرسمية اختر ما تريد

القناة الرسمية على اليوتيوب أضغط هنا

الموقع الرسمي على الانترنت أضغط هنا

الصفحة الرسمية على موقع الانستكرام أضغط هنا

القناة على التلكرام أضغط هنا

صفحة الفيس بوك الرسمية أضغط هنا
  
كروب ودردشه فعال 24 ساعه تخص التبادل بالمواد الدراسيه وفيد واستفاد بعض التغيير للجو للدردشه مع الاصدقاء ومن خلال هذا الكروب تكدر تسألني اي سؤال اغلب الاحيان متواجد بالكروب تحياتي رابط للاشتراك ادناه :

  
 اذا كنت حاب تدعم قنواتنا ماديا من داخل العراق وماعندك حساب باي بال او بطاقة مصرفية تكدر تدعمنا بتحويل رصيد حته لو بـ 1 الف دينار راح تسوي فضل كبير بتطوير القناة
على الرقم ادناه :
07500824814 
  دعمك النا هو سر استمرارنا شكرا لكل شخص قدم الدعم  

---------------------------------
طريقة تحويل الرصيد بالاسياسيل
اتصل على *222* او اتصل على *123* المبلغ المراد تحويله * رقم الهاتف المرسل اليه الرصيد # ثم اتصال
---------------------------------

طريقة تحويل الرصيد بالعراقنا ( زين )
ارسالة رسالة الى 21112 تحتوي على الرقم المطلوب تحويل الرصيد اليه ثم فراغ المبلغ المراد تحويله ثم ارسال
---------------------------------

طريقة تحويل الرصيد بالكورك
اتصل على *215* الرقم المطلوب تحويل الرصيد اليه * المبلغ الذي ترغب بتحويله # اتصال ثم تاكيد

واذا كان عندك حساب وتريد تدعمنا هذا رابط الدعم على البايبال أضغط هنا
 --------------------------------
 تحياتي لكم
احمـــــــد الداوودي
وتمنياتي لكم بالموفقيه والنجاح وبلوغ اعلى المراتب
شكرا لكم لمتابعه المنشور الى النهايه
🔸▬▬▬▬▬▬▬▬▬▬▬▬▬🔸
التعريف بالموقع : 
هذا الموقع تابع لاحمد الداوودي بشكل رسمي وكل ما ينشر في الموقع يخضع للمراقبة وموقع احمد غير مسؤول عن التعليقات على المواضيع كل شخص مسؤول عن نفسه عند كتابة التعليق بحيث لا يتحمل موقع احمد الداوودي اي مسؤولية قانونية حيال ذلك
reaction:

تعليقات