القائمة الرئيسية

الصفحات

رجل يفقد زوجته وابنته فجاءه ولايعرف الاسباب الى يومنا هذا ؟

زوج يفقد زوجته وابنته في الغابه بعد ان وجدوا الجثث لم يعرف اسباب قتلهما لحد الان كان الامر مفاجئ 


رجل يفقد زوجته وابنته فجاءه ولايعرف الاسباب الى يومنا هذا ؟


 مرحبا بكم احبائي متابعي كل قنوات ومواقع احمد الداوودي التعليميه الاخباريه

 نشكر زيارتكم لموقع ومدونه احمد الداوودي


مره في ايطاليا كانت تعيش بنت اسمها فيفيانا الي كان عمرها 23 سنه مع زوجها وكان عندهم ابن صغير اسمه جويل وعمره كان 4 سنوات تقريباً كانت فيفيانا تشتغل dj هي وزوجها وجان زوجها يتشغل شغله ثانيه الي هي سواق حته يكدر يسوي حالتهم الماديه زينه اله والعائلته، وجانو الناس الي حولهم يصفونهم بأنهم ازواج مثاليين يحبون بعض وكانت مشاكلهم جداً قليله الى أن اجه يوم انتهى بي كلشي.....

اليوم هذا هو 3 اغسطس من هذه السنه يعني تقريباً قبل شهر وايام بهذا، بهذا اليوم قررت فيفيانا انها تروح لمحل الاحذيه وتشتري واخذت معاها طفلها(جويل) يكول دانييل(زوجها) ان فيفيانا كانت سعيده جداً في هذا اليوم وكانت ملامحه جميله ومرتاحه يكول اخذت الجنطه وودعت زوجها وطلعت بسرعه حته تلحك على محل الاحذيه، هنا يكول دانييل مر وقت طويل على ذهاب زوجته للمحل وطولت هناك وهي كالت بس اروح للمحل وارجع، ف يكول اخذني التفكير ف اجتله فكره انو يتصل عليها ويخلص من التفكير، ف اخذ التلفون واتصل عليها، لكن للأسف كانت ناسيه التلفون بالبيت.. هنا زاد القلق عندك دانييل، ليش تأخرت كل هلوقت؟ وبما انها مخليه تلفونها فالبيت يعني بتروح وترجع بسرعه ليش تأخرت؟.....

الخوف بده يسيطر عليه ووراها خلص قرر انو يتصل بالشرطه، لاكن الشرطه كالت لازم تنتضر 24 ساعه حته تقدم بلاغ، وفعلاً انتضر 24 ساعه وراح قدم بلاغ. هنا بدت الشرطه عمليه البحث في كل مكان من محلات او اسواق او بين البيوت وبدو يسألون الناس عن فيفيانا وجويل وخصوصاً محلات الاحذيه، لاكن للأسف محلات الاحذيه قالوا ما شفناها... ولا حتى مرت

هذا معناه ان الام والولد صار وياهم شي قبل ليروحون لمحل الاحذيه بمعنى اخر موصلو لمحل الاحذيه في شي وكفهم قبل ليوصلون، المهم اثناء البحث توصلت الشرطه لسياره فيفيانا الي كانت موجوده فوك الجسر وكانت السياره متعرضه لحادث جداً بسيط، لاكن وين فيفيانا ووين الطفل؟ للأسف مو كانو موجودين بالسياره دورو عليهم بالمستشفيات ايضاً غير موجودين لاكن الاكيد انهم في مكان قريب من السياره المهم وسعو الشرطه عمليه البحث حول مكان السياره واستعانوا برجال الاطفاء والطائرات والكلاب لاكن للأسف مكدرو يدخلون لمرحله عميقه للغابه بسبب عدم وجود امكانيات كافيه توصلهم لعمق معين بالغابه، فنشرت الصحف الخبر عن اختفاء فيفيانا والطفل وانهم محتاجين اي معلومه عليهم حته لو مهمه يجي يبلغنه بعد مده اجه رجال واتصل بالشرطه وكاللهم اني شفتهم من سوو حادث وكان حادث بسيط، في شاحنه صغيره دعمتهم ويكول الرجال كان معلي عائلتي ف وكفنه حته نساعدهم، وعرضنه عليهم المساعده وتطمنه عليهم وشفناهم زينين ورحنه لاكن من دنروح شفنه الام فيفيانا شايله ولدها وتتجه بأتجاه الغابه... والشاهد يكول اني متأكد مليون بالميه جانت صحتهم جداً زينه والولد كذلك والحادث كان بسيط جداً وشفناهم زينين ورحنه بس الشي الي لفت انتباهي ليش رايحين للغابه؟ هنا زوجها دانييل حس بالامل انو همه عايشيين لاكن بنفس الوقت حس بالخوف لان ليش رايحين للغابه وهي جداً خطره وكان فيها ارتفاعات وانخفاضات وغير هذا كله فيها حيوانات مفترسه والسؤال الاهم شنو الي خلاها تتجه للغابه؟.....

بعد هذه المعلومات الي عطاهم اياه الشاهد فتشت الشرطه في السياره لعل وعسى يلكون شي حته لو بسيط، ف لكو ورقتين لموعد لطبيب نفسي وقتها سألو دانييل عن حاله فيفيانا النفسيه،، هنا تغيرت ملامح دانييل كال راح اكللكم، فيفيانا جانت تعاني من حاله الاكتئاب بالفتره الماضيه بسبب الحجر المنزلي وكانت جداً خايفه انو يصيبها المرض ف لهل سبب صار بيها المرض وكذلك لهل سبب كانت تراجع طبيب نفسي ويكمل كلامه ويكول بهذا اليوم الي طلعت جانت مابيها شي وبخير وما جانت ضايجه ابداً،، المهم بعد ضهور هلمعلومه الناس بدت تدور بحسابهة بالفيس بوك يطلعون صورها ومقاطع الفيديو الي مصورتها وكان مبين عليها ملامح الاكتئاب والنحف الزايد، ولاحضو انو وجهة جان شاحب بأحدث صور الها، الموضوع صار مرعب اكثر، واكو شي ثاني اثار اهتمام الشرطه اكثر بعد ما فتشو سياره فيفيانا وبيتها لكو كتب دينيه كثيره جداً، هنا راح يدخل طرف اخر بالقصه الي هي اخت دانييل!....

تكول اخت دانييل انو قبل اختفاء فيفيانا بيومين طلبت منها فيفيانا انو توديها الى هرم هذا الهرم تسمه هرم الضوء هذا الهرم عباره عن هرم من الفولاذ له علاقه بمعتقد ديني معين، طبعاً مو بس هذا الشي الغريب الاغرب من هذا انو سياره فيفيانا كانت واكفه بنفس الطريق الي يودي لهذا الهرم،، هل هذا علامه لشيء؟!......

وبعد 5 ايام من البحث وبتأريخ 8 اغسطس عثرت الشرطه في مكان عميق من الغابه على جثه الام فيفيانا وكانت في حاله جداً سيئه...




وبسبب سوء حالتها الشرطه مكدرو يتعرفون عليها ف تعرفو عليها عن طريق محبس الزواج مالتها، والشرطه مكدرو يحددون اذا تعرضت لهجوم بشر قبل لاتموت او انها وكعت من مرتفعات كان التحليل جدا صعب عليهم بسبب تدخل من حيوانات مفترسه،، فمثلا لنفترض شخص قتلها وذبها فالغابه فالحيوانات المفترسه راح تطكعها ف صعب يعرفون اذا جانت مقتوله فالناخذ مثال ثاني اذا جانت واكعه من مرتفعات ممكن يكون اغمى عليها او ماتت كذلك الحيوانات راح تكطعها، فمراح يعرفون شلون ماتت بسبب الحيوانتت المفترسه،، وهسه خلنفكر بأبنها جويل لان ما اله اي اثر، الام لكوها متكطعه بس الابن جويل ما اله اي اثر...

معقوله الشخص خطفه وقتل امه؟ بالاخير هاي نضريه محتمله، ولاكن للأسف راحت كل هلنضريات لمن لكه عسكري بقايا لحم بشري في الغابه، والكل جان يتمنه انو هذا الحم مو مال طفل،، لاكن للأسف بعد التحليل طلع هذا الطفل،.. انصدمت ايطاليا كلها بهلخبر وخصوصاً اهلهم والمحير بهلقصه كلها شنو الي صارلهم؟!.....

في يوم 24 اغسطس اكتشفت الشرطه مقطع مصور فيديو لأحد الطائرات الي جانو مكلفينهة للبحث عن فيفيانا وجويل، هاي الطياره مكلفينها علمود تطير وتبحث عنهم عن طريق الجو،، شنو موجود بهل مقطع؟(تم تصوير مقطع الفيديو في 4 اغسطس الساعه 10:30 صباحاً) وبهذا المقطع طلعت فيفيانا وهي تحمل ابنها جويل وجان اكو عاصفه،، اي بمعنى ٤ اغسطس جانو عايشين بالوكت الي جانو يبحثون بي،، هنا صرخ دانييل وكال جان من الممكن انو نلكاهم احياء ومميتين ليش ما انعرض هذا الفيديو قبل مايموتون؟

هنا تعذر الطيار وكال جان اكو عاصفه وممركز لان العاصفه منعته انو يشوفهم وللأسف منتبه انو يشوفهم بالتصوير،، هنا يخلينه نتأكد انو اكو تقصير وخاصه بهذه القضيه وبالذات اثناء البحث ومن هذا الطيار، لان هذا الطيار مكلفينه انو يطير ويشوفهم عن طريق الجو شافتهم الكامرات بس هو مشافهم ع اساس اكو عاصفه،، المهم خلنحجي بالنضريات، شنو الي صارلهم؟ هذا السؤال الي كلنه نريد نعرفه، وبما انها نضريات ف مو صحيحه او يمكن وحدها منها صحيحه. النضريه الاولى تكول انو تم الاعتداء على الام فيفيانا وطفلها والقاتل بعد ما اعتدى عليهم قتلهم وتخلص منهم بانو ذب الجثث بالغابه لان يعرف اكو حيوانات مفترسه راح تمحي الدليل، لاكن اذا نتكلم بالواقع الام مامتعرضه لطعن او اطلاق نار وماعليها علامات واضحه لتدخل بشري كل الي عليها من حيوانات مفترسه!

النضريه الثانيه تكول انو فيفيانا وولدها جانت تتمشه ودخلت للغابه وضاعت وماكدرت تطلع من الغابه وهنا تعرضو لهجوم شرس من الحيوانات المفترسه وهل حيوانات تسببت بتفرقتهم ولهذا السبب الام بمكان والابن بمكان

والنضريه الثالثه والي شافوها الشرطه اصح وحده انو فيفيانا قتلت نفسها وقتلت ولدها....

ليش الشرطه شافتها اصح وحده؟الشرطه جانو يتسائلون ليش فيفيانا اخذت ولدها وراحت للغابه والغابه خطيره كانت تكدر تركب سيارتها وتروح لان سيارتها مابيها شي وتشتغل، ليش اخذت ولدها وراحت؟ كالو اكو احتمال جبير انو هي مخططه لهل شي من قبل بسبب الاكتئاب الي عندها والدليل عافت تلفونها بالبيت علمود محد يدور عليها وهلنضريه تكول همينه ان فيفيانا خنكت جويل الى ان مات وراها ذبت نفسها من مكان مرتفع ولهذا السبب جانت هيه بمكان اعمق من ولدها جويل ولما عرضو هاي النضريه الدانييل رفضها دانييل وبقوه وكال من المستحيل فيفيانا تسوي مثل هلشي مستحيل تأذي جويل،، تخيلو لمن يغلط جويل حته ضربه خفيفه ماتضربه تحبه حيل مستحيل تسوي هيج وكال همينه الاكتئاب جان لمده قصيره جداً اخذت الادويه وتعالجت ورجعت وانتهت السالفه ورجعت فيفيانا الي اعرفها، ف ماله دخل الاكتئاب انو خلاها تسوي هيج شي لان راح منها من زمان ويعيد ويكرر انو فيفيانا بهذاك اليوم جانت سعيده وزينه مستحيل تسوي هيج .

واكو نضريه ثانيه تكول ممكن فيفيانا قدمت نفسها وولدها جويل ك قربان لشيء معين، اخت دانييل جانت دائماً تكول انو فيفيانا جانت عدها معتقدات دينيه خاصه ولهذا السبب توجهت للهرم الضوئي قبل وفاتها بأيام قليله...

المهم طلعت العديد من النضريات وحتى انت ك قارئ تكدر تحط النضريه الي تقنعك وتعجبك الي مناسبه للعقل والمنطق.

والشيء الحزين لما طلع دانييل فالجنازه قال فيفيانا لم تقتل ابننا وسأقاتل حتى اعرف ماذا حصل..

▂ ▃ ▅ ▆ █ الى هنا انتهى الموضوع █ ▆ ▅ ▃ ▂


لكم مني اطيب التمنيات واحر التحيات لكم اخوتي الكرام اهلا بكم على موقع الداوودي شعار المصداقيه من خلال اشتراكك بأحدى مواقع قنواتنا راح تعرف الحقيقه والمصداقيه بالاخبار والمعلومات والمرشحات ونشر الاسئله المفيده والملازم الجيده واخبار الدوائر الخدميه وهيئة التقاعد و وزارة العمل ستتعرف على اهميه الاخبار لدينا ومصداقيتها ونقلها بسرعه من المصدر .

 اقدم لكم روابط موقع احمد الداوودي للمدونه الرئيسيه وموقع اتعلم وياناه المدونه الثانيه وفي التلكرام و قناة اليوتيوب و صفحة الفيس بوك الرئيسيه ..

 الموقع بأدارة

وتمنياتي لكم بالموفقيه والنجاح وبلوغ اعلى المراتب
شكرا لكم لمتابعه المنشور الى النهايه

القناة الرسمية على اليوتيوب أضغط هنا

الموقع الرسمي على الانترنت أضغط هنا

الصفحة الرسمية على موقع الانستكرام أضغط هنا

القناة على التلكرام أضغط هنا

صفحة الفيس بوك الرسمية أضغط هنا

كروب اسئلة الامتحانات الشهريه اضغط هنا 

موقع المدونه الرئيسي (احمد الداوودي) اضغط هنا 

موقع المدونه الثاني (اتعلم ويانه) اضغط هنا
  
كروب ودردشه فعال 24 ساعه تخص التبادل بالمواد الدراسيه وفيد واستفاد بعض التغيير للجو للدردشه مع الاصدقاء ومن خلال هذا الكروب تكدر تسألني اي سؤال اغلب الاحيان متواجد بالكروب تحياتي رابط للاشتراك ادناه :

للدعم المادي على الرقم الخاص بالموقع لتحويل الرصد والدعم على الرقم ادناه
07500824814
طريقة تحويل الرصيد بالكورك

اتصل على *215* الرقم المطلوب تحويل الرصيد اليه * المبلغ الذي ترغب بتحويله # اتصال ثم تاكيد

واذا كان عندك حساب وتريد تدعمنا هذا رابط الدعم على البايبال أضغط هنا

🔸▬▬▬▬▬🔸
التعريف بالموقع : 

هذا الموقع تابع لمدونة احمد الداوودي بشكل رسمي وكل ما ينشر في الموقع يخضع للمراقبة وموقع اتعلم ويانه غير مسؤول عن التعليقات على المواضيع كل شخص مسؤول عن نفسه عند كتابة التعليق بحيث لا يتحمل موقع ومدونه احمد الداوودي اي مسؤولية قانونية حيال ذلك

reaction:

تعليقات