القائمة الرئيسية

الصفحات

تعرف على اهم الخطوات الاساسيه لملئ الانسيابيه الالكترونيه قبل التقديم للجامعات والمعاهد لعام 2022

اهم الملاحظات والعايير الاساسيه قبل ان تبدي بملئ الاستماره الالكترونيه للتقديم على الجامعات والمعاهد لعام 2022 ويجب اخذ النصائح بنظر الاعتبار 

النصائج المهمه عن كيفية ملى الاستماره واهم المعلومات الاساسيه يجب اتخاذها قبل التقديم للجامعات لسنة 2021 - 2022

في هذا المنشور راح نتكلم بالتفصيل على اهم المعايير الرئيسيه والاساسيه لكل طالب قبل البدء بملئ استمار (الانسيابيه) الالكترونيه ولازم تاخذ بنظر الاعتبار هاي المعلومات والنصائح قبل ماتبدي بملئ الاستماره الالكترونيه , الاستعجال بالتقديم راح تندم بعدين عليها والتقديم لمره واحده فقط وتعديل مره واحده يعني عندك فرصتين احرص عليها وكون حذر وهسه نجي للتفاصيل ادناه .👇


الملاحظات والنصائح مهمه قبل التقديم للجامعات والمعاهد لسنة 2022

1- دير بالك تستعجل بالتقديم على الاستمارة وتتندم بعدين ، ترى يحقلك تقدم مرة وتعدل مرة ( يعني عندك محاولتين للتقديم فقط ) فدير بالك تستعجل بالتقديم دير بالك لأنه إذا قدمت وخلصت المحاولتين وصار خطأ بسيط ف راح تضطر تداوم كلية متريدها او تكعد سنة بالبيت تنتظر تقدم على السنة الجاية ( بنظام اعادة الترشيح ).

2- اكو هواية امور مهمة لازم تعرفها قبل لا تقدم اللي من ضمنها انظمة التدريس بين الكليات ، لأنه اذا قدمت محافظات ونقبلت بكلية خارج محافظتك ونظام هاي الكلية يختلف عن أي نظام الكلية اللي بمحافظتك ف هنا ميصير تنقل بينهم ، واذا نقلت يرجعونك للمرحلة الأولى.

مثال |
- مثلا قدمت هندسة مدني موصل ( نظامها مقررات ) ونقبلت بيها وانت من البصرة فلازم تداوم سنة كاملة بالموصل وتنجح يلا يحقلك تنقل لمحافظتك ( يعني من شروط النقل انك تداوم سنة بالجامعة اللي تنقبل بيها اول مرة) اللي هي البصرة ، المهم خلصت مرحلة أولى وتريد ترجع لمحافظتك تدرس وبالبصرة هندسة مدني نظامها (فصلي مثلا) فإنت بهاي الحالة ما تكدر تنقل بينهم ، لأن نظام الكليتين يختلف ، فبهاي الحالة لو تستمر بالموصل لو تنقل للبصرة بس ترجع مرحلة أولى من الصفر , لذلك ادرس وضعك زين يلا تقرر وترتب استمارتك.

3- معدلات القبول راح تكون قريبة من الحدود الدنيا لسنة 2018 لذلك اعتمد عليها بتقدير الحدود لهاي السنة وشوف معدلك يقبل أي كليات واقسام او قريب من اي كليات واقسام ؟ ورتبهم حسب رغبتك وبما يناسب معدلك.

وخلي ببالك انه ممكن تكون معدلات القبول أعلى بقليل أو اقل بقليل او متقاربة من سنة 2018 وهذا يعتمد على خطة القبول المركزية وعدد الطلاب اللي تريدهم بكل كلية.

4- للفرع العلمي ( احيائي + تطبيقي ) مطلوب انك تملي 50 اختيار داخل الاستمارة ويكون على الأقل مخلي بيهم 10 معاهد ( اجباري تخلي اقل شي 10 معاهد ). اما الفرع الادبي فمطلوب منك تختار 25 اختيار كحد أدنى الى 50 اختيار وايضًا لازم تخلي 10 معاهد ضمن استمارة التقديم.

5- من تجي تختار الاختيارات ف خلي ببالك هاي الأمور ولا تنساها 

◼️ تختار الكليات اللي قريبة من معدلك ( اعلى منو ب3-5 درجات او تقاربو أو أقل منو ) , مو معدلك 70 وتروح تخلي طبيه !!؟ يعني اختار اشياء قريبة من معدلك ومعقولة.

◼️ رتب اختياراتك حسب رغبتك ! يعني أي اختصاص تريدو اكثر شي ؟ تخلي أول اختيار ، ثم لا قدر الله اذا ماطلعلك اختيارك الأول فتسأل نفسك ؟ اني أي اختصاص احب اذا ما طلعلي الأول ؟ ف تختار و تخلي بالخيار الثاني وهكذا ... ( حسب رغبتك رتبهم).

مثال |
- مثلا انت تحب هندسة اتصالات وهي قريبة تقريبا من معدلك ( حتلو لو اعلى بكم درجة قليلة) فخليها أول اختيار .

- خليتها فتبدي تتوقع اسوء الاحتمالات ، أنه اذا ما نقبلت اتصالات ، شنو الاختصاصات اللي تريدو بعدها ؟ مثلا هندسة حاسبات ، فتختار بالخيار الثاني حاسبات.

- وايضاً تتوقع اسوء الاحتمالات ، أنه اني اذا ما نقبلت لا اتصالات ولا حاسبات ، شنو بعد اريد ؟ ف تخلي ثالثا وهكذا ترتيب الاستمارة واضح ؟.

◼️ لا تخلي اختيار ما تريدو وممكن يقبلك ! لأنه كلشي يصير ! فلا تخلي اختصاصات انت ماتريد تدرس بيها بالاستمارة ، واضح ؟ خلي شي يناسبك وتتقبلو.

مثال |
- يعني مثلا اني ما أحب ادرس صيدلة ، فما اخلي صيدلة اصلا لأنه يجوز تطلعلك وبعدين اجباري تدرس بيها أو تترك سنة كاملة وتنتظر ينفتح التقديم سنة الخ !.

ملاحظات مهمة |

1/ إذا قدمت أول شخص على الاستمارة او آخر شخص فهذا مايفيدك بشي ، فخاف عبالك اذا قدمت اول واحد يعني حجزت مقعد.

2/ الاستمارة راح تبقى مفتوحة لغاية يوم 26-10-2021 ثم إن شاء الله ايضًا تتمدد مثل كل سنة.

3/ طلاب الدور الثاني لا تقدمون هسه لحد ماتخلصون امتحانات وتطلع نتائجكم لأنه من تطلع نتائجكم راح يفتحونها مرة الخ وتقدم براحتك فلا تهتم لان كل سنة هيج.

4/ بعد ماتقرا الملاحظات اللي كتبتها الك فوگ وتفكر وتسأل وتستفسر وتبحث ..الخ ف تجيبلك مسودة وترتب خياراتك بيها وتتاكد منها وبعدين تروح تفتح الرابط وتقدمها تمام ؟

5/ من تريد تعرف معلومات عن اختصاص معين فلا تعتمد على معلومات النت فقط ، الأفضل تروح تسأل أهل الاختصاص والطلاب اللي يداومون بالكلية اللي أنت تريد تعرف معلومات عنها.

6/ تذكر زين أنه عندك محاولتين للتقديم فقط من تخلصهم خلاص بعد ماتكدر تغير الاختيارات الا تنتظر سنة وتكعد بالبيت لذلك ابد لا تستعجل عندك وقت هواية للتفكير والقرار.



▂ ▃ ▅  الى هنا انتهى الموضوع  ▅ ▃ ▂


ادناه جميع روابط موقع احمد الداوودي للمدونه الرئيسيه وموقع اتعلم وياناه المدونه الثانيه وفي التلكرام و قناة اليوتيوب و صفحة الفيس بوك الرئيسيه ..

 علماً ان الموقع بأدارة

القناة الرسمية على اليوتيوب أضغط هنا

الموقع الرسمي على الانترنت أضغط هنا

الصفحة الرسمية على موقع الانستكرام أضغط هنا

القناة على التلكرام أضغط هنا

صفحة الفيس بوك الرسمية أضغط هنا

كروب اسئلة الامتحانات الشهريه اضغط هنا 

موقع المدونه الرئيسي (احمد الداوودي) اضغط هنا 

موقع المدونه الثاني (اتعلم ويانه) اضغط هنا

لدينا كروب ودردشه فعال 24 ساعه تخص التبادل بالمواد الدراسيه وفيد واستفاد بعض التغيير للجو للدردشه مع الاصدقاء ومن خلال هذا الكروب تكدر تسألني اي سؤال اغلب الاحيان متواجد بالكروب تحياتي رابط للاشتراك ادناه :

للدعم المادي على الرقم الخاص بالموقع لتحويل الرصد والدعم على الرقم ادناه
07500824814
طريقة تحويل الرصيد بالكورك

اتصل على *215* الرقم المطلوب تحويل الرصيد اليه * المبلغ الذي ترغب بتحويله # اتصال ثم تاكيد

واذا كان عندك حساب وتريد تدعمنا هذا رابط الدعم على البايبال أضغط هنا

ترتيب واملئ استمارة التقديم الالكتروني (الانسيابيه) للجامعات والمعاهد العراقيه لعام 2021 بالتفصيل مع اهم النصائح والمعايير المهمه 
reaction:

تعليقات