نتعرف بالتفصيل ماهو نظام الانتساب ؟ وماهي ايجابيات وسلبيات الانتساب ؟ وبشنو راح استفاد منه ؟ وخاصه اذا اريد معدل عالي
بشكل مبسط قبل مانبدي بالتفاصيل والتفرعات لموضوع الانتساب , وهو رغبة الاهل او الطالب بالتدريس او الدراسه في المنزل دون الذهاب الى المدرسه , وبأمكان الطالب مراجعه دروسه وتحضيرات صفه عبر المنصات الالكترونيه وغيرها , ويجب حضورهم امتحان الكورس الاول او نصف السنه وايضا نهاية السنه والكورس الثاني هذا الحجي بالنسبه للصفوف الغير منتهيه اما المنتهيه راح نجيها بالتفصيل .
توضيح مهم لكل طالب بالتفصيل من اعداد سالم ال منصور
ما هو نظام الانتساب ؟
الإنتسـاب : معناهُ أنُ الطالب يكعُد بالبيت ومَيروح للمَدرسـة و مَا يداوم،ويعتمد أعتمـاد كلـي عَلى نفسـة،هوَ يصير الطالب والمُدرس،من ناحيـة الألتزام وكلشيء،طبعاً المطلوب فقط من طالب الإنتسـاب أنُ يروح يأدي أمتحانات نُـصف السنـة والإمتحانات النهائيـة (الوزاريـة). وأكيد مطلوب منك أنُ تنجح عَ الأقـل بـ5 أو 4 مـواد حتى تتأهـل للإمتحان الوزاري!.
ماهي ايجابيات نظام الانتساب ؟
1- يوفـر وقـت الروحـة والرجعـة من المدرسَـة.
2- شوكت مَتريـد تدرُس بالوقـت إللـي يعجبك،إذا كان نظامك صَباحـي أو ليلـي،هَالشيء راح ترتاح إلـة.
3- إذا كنت طالب يـوتيوب راح تدرُس ع المُدرس إللـي يعجبك,أو إذا كنت طالب خصوصـي راح تستمر ويا الأساتذة إللـي متعود عليهُـم.
ماهي سلبيات نظام الانتساب ؟
1- حَتكون أنتَ مسؤول عَلى نفسك من ناحيـة الإمتحانات والتحاضـير والإلتزام (هالشيء مو كل الطُلاب تكدرلـة!).
2- ماكو إحـد عَ راسـك لا أمتحانات شهريـة ولا يوميـة الإعتماد راح يكون كلياً على الطالب نفسـة!.
3- مُمكن تمـل وواهسك يخـرب وتبقى تسخت هوايَ!.
تعرف على شروط الانتساب
الصورة التالية توضح هاي العناوين
بماذا راح يفيدنـي الإنتسـاب؟
-يفيد طالب الخصوصـي واليـوت بأعتبارهُـم أتعودوا عَ أساتذتهُم ومن أشهُـر ديدرُسون وياهُـم،فَـ مَيحتاجون يرحون للمدرسـة ويضيع وقتهُـم،
أما إذا أنتَ طالب بعدك مَ مبلش لا خصوصـي ولا يـوت،فَـ المدرسـة حَ تڪون الحل الأفضـل ألك!.
حاير أسوي أنتسـاب أو لا ؟
-طبعاً هالشيء الطالب نفسـة يحددة!،إذا ڪان يڪدر يعتمد عَ نفسـة ويلتزم ومَ يسخـت حَ يڪون الإنتسـاب مُناسب إلـة،إما إذا الطالب مَ متأڪد من نفسـة فَـ الأفضل أنُ يداوم ويلتزم ويَّ المدرسـة.
إذا سويت إنتـساب مَ أكدر أطلع مُعدل؟
-طبعاً ڪُلش هوايَّ شفـت طُلاب ديڪولون أنا سويت أنتسـاب وتندمت وهياتنـي مَطلعت مُعدل وحَعيد سنـة!،يعني أڪيد هنا الخلل حَيڪون من الطالب نفسـة هوَ ڪان مَ حاب الدوام وسوا أنتسـاب وبقىٰ يسخت يسخت ومَ ألتزم!،فَـ أڪيد هنا حَيعيد يعني من ويـن مثلاً يجيك المُعدل إذا أنت مَدرست ومَ عرفـت تتلزم وتعتمد عَ نفسك؟!!،أڪيد هنا الطالب حَ يفشـل وحَيڪول أي لإنُ سويـت أنتساب مَطلعت مُعدل؟!ويبدأ ينصح ويسوي براس الطُلاب!!،لاء مو هيج الانتسـاب نظام حلو وللطالب إللـي يلتزم من صدُك ومتأڪد من نفسـة!
نصيحة لك كطالب او ولي امر
شـلون ممكن أعتمد على نفسـي؟
-هالشيء يعتمـد عَ الطالب وحُرصَة،أكو هوايَّ قنـوات عَالتلـي تكدر تلتـزم وياهُـم أمتحانات وهـيچ،وبوتـات هَم أكو كلش هوايَّ ومرتبيـن،أكو بـوت نيوتن وبوت مُصطفى الهيتي،هذولـي كلش مرتبيـن،تكدر بعد متخلص كل فصل تروح للبوتات وتمتحن نفسك،
أهم شيء :هـيَ الإمتحانات حرفياً شكد متكدرون أختبروا نفسكم.
نصيحـة: إذا كنت طالب حريـص ومُلتزم،ودتشوف المدرسـة دا تاخُـذ من وقتك،فَـ أكيد الإنتسـاب حَيكون أفـضل ألك،،أما إذا كنت طالب مَيگدر يعتمـد ع نفسـة ومَيلتزم فَـ الدوام أفضـل والألتزام ويَّ المدرسـة.
بالنهايـة هَالشيء يرجـع للطالب ومدى أمكانيتـة وألتزامـة حَيكون مسؤول عَ نفسـة،وحَتتحمـل كل الإشيـاء إللـي تصيرلك ولازم تتجاوزها،وأياً كانت النتيجـة حَتكون أنتَ مسؤول عنهـا.
فكروا زيـن بـ الموضوع لَتتسرعون،لترحون للمدرسـة أسبوع وشوفـوا نفسڪُم إذا كدرتـوا تلتزمـون أو لاء،وبعدها قرروا.
أخيراً أعيـد وأكررها للمـرا الألـف الإنتسـاب يحتاج طالب
((( مُنضبط + مُلتزم + حريص )))
بالمختصر ماهو الانتساب وباللغه العاميه
الانتساب بالعامية : يعني انت تقدم انتساب وتروح بالبيت تدرس تجي فقط تمتحن امتحانات نصف السنة ودرجات نصف السنة هي السعي السنوي مالك ، يعني تتعامل حالك حال طالب اللي يداوم بالمدرسة من حيث القرارات الصادرة من وزارة التربية .
شنو ايجابيات الانتساب ؟ الايجابيات تختصر وقت الدوام بالمدرسة لانك ماراح اداوم مدرسة وهذا يوفرلك وقت أكثر للدراسة وخصوصا للي داخل خصوصي .
سلبيات الانتساب ؟ انت راح تمتحن امتحان واحد وهو فقط نصف السنة يعني فرصة واحدة اذا وكعت بدروس ماراح تكدر تعدل درجاتك وخصوصا للصفوف المنتهية .
نصيحة : اذا كان مستواك ضعيف وتعرف بنفسك ما تنجح بنصف السنة لا تقدم انتساب وبالاخص الصفوف المنتهية .
▂ ▃ ▅ الى هنا انتهى الموضوع ▅ ▃ ▂
ادناه جميع روابط موقع احمد الداوودي للمدونه الرئيسيه وموقع اتعلم وياناه المدونه الثانيه وفي التلكرام و قناة اليوتيوب و صفحة الفيس بوك الرئيسيه ..
علماً ان الموقع بأدارة
القناة الرسمية على اليوتيوب أضغط هنا
الموقع الرسمي على الانترنت أضغط هنا
الصفحة الرسمية على موقع الانستكرام أضغط هنا
القناة على التلكرام أضغط هنا
صفحة الفيس بوك الرسمية أضغط هنا
كروب اسئلة الامتحانات الشهريه اضغط هنا
موقع المدونه الرئيسي (احمد الداوودي) اضغط هنا
موقع المدونه الثاني (اتعلم ويانه) اضغط هنا
لدينا كروب ودردشه فعال 24 ساعه تخص التبادل بالمواد الدراسيه وفيد واستفاد بعض التغيير للجو للدردشه مع الاصدقاء ومن خلال هذا الكروب تكدر تسألني اي سؤال اغلب الاحيان متواجد بالكروب تحياتي رابط للاشتراك ادناه :
للدعم المادي على الرقم الخاص بالموقع لتحويل الرصد والدعم على الرقم ادناه
07500824814طريقة تحويل الرصيد بالكورك
اتصل على *215* الرقم المطلوب تحويل الرصيد اليه * المبلغ الذي ترغب بتحويله # اتصال ثم تاكيد
واذا كان عندك حساب وتريد تدعمنا هذا رابط الدعم على البايبال أضغط هنا
تفاصيل الانتساب من الالف الى الياء وكل ماتريد تعرفه راح تلكه جوابه بالتقرير المفصل بالراغبين بالتقديم على الانتساب