نصائح مهمه لطلاب الخارجي في الامتحان التمهيدي ليوم غد مهم جداً الالتزام بيها لضمان التركيز بالامتحان والنجاح بكل المواد
النصائح مهمه لكل الطلبه المشمولين بالامتحانات الوزاري والتمهيدي , اذا التزمت بيها راح ترفع معنوياتك بقاعة الامتحان وراح اتركز اكثر ومراح تتأثر بأي ضغوط او احجايه من طالب او استاذ اتهبط معنوياتك , افهم النصائح وركز وطبقهن .
ملاحظه مهمه |
ضروري جداً ان تقرأ الاسئله التابعه للاعوام السابقه يعني من 2017 الى 2021 مو اكثر مهمه جداً , راح اخلي روابط اسئلة الامتحانات للاعوام السابقه لكل الصفوف , بالتوفيق لجميع الطلبه .
روابط اسئلة الاعوام السابقه للامتحانات التمهيدي لكل الصفوف ولكل المواد
🔷 رابط اسئلة الامتحانات التمهيدي للاعوام 2017 و 2018 و 2019 لجميع المواد ولكل الصفوف اضغط هنا للانتقال للاسئله .
🔷 رابط اسئلة الامتحانات التمهيدي للعام 2019 - 2022 لجميع المواد ولكل الصفوف اضغط هنا للانتقال للاسئله .
🔷 رابط اسئلة الامتحانات التمهيدي للعام 2020 - 2021 لجميع المواد ولكل الصفوف اضغط هنا للانتقال للاسئله .
نصائح للأمتحانات لــ طلاب التمهيدي لعام 2022 ولكل السنوات
1-لاتروح للامتحان الوزاري وانت منايم لازم تنام لازم لازم اقلها نام ساعتين ، حتى عقلك يخزن المعلومات ويرتبها ومتنعس وانت بالامتحان وتكضيها بس تتثاوب بوجه المصحح (من تنام وقت منبه او وصي احد من اهلك يكعدك) .2-عادي كلش تراجع قبل لا تروح للامتحان بساعة او ساعتين بس كون نايم قبلها.
3-قبل لاتطلع للامتحان اتاكد انو اخذت البطاقة الامتحانية وقرطاسيتك كاملة.
4-قبل لاتطلع للامتحان اتأكد من المثانة البولية انو مو ممتلئة.(ضرورية هاي لان اذا توازيت بالامتحان سلملي ع التركيز) .
5-حاول تاكل شي قبل لتروح للامتحان واشربلك كلاص مي او استكان جاي حتى معدتك متصوفر بالامتحان.
6-اطلع من وقت شوي للامتحان حتى تتاكد من قاعتك واسمك و تحسبا لكلشي .
7-من راح تطلع ممكن يجيك خوف وتوتر وقلق هذني كلهن طبيعية فانت خليك واثق من نفسك(واثق الخطى يمشي ملكا).
8-من راح تطب للمركز الامتحاني راح يجيك شعور انو انت ناسي كلشي ومراح تتذكر اي شي،خلي ببالك هل الشي طبيعي انا اجاني وكل الطلاب الي امتحنوا سابقا اجاهم فاطمن عقلك راح يستذكر الي درسته.
9-بوقت انتضارك للاسئلة اقرأ ادعية او ايات قرآنيه لان الدعاء والقران يصفي الذهن ويقويك وانت بموقف صعب ومرتبك .
10-من تستلم الدفتر الامتحاني اكتب اسمك وكل التفاصيل .
11-من تجيك الاسئلة لاتلزمها وتقراها كلها حتى اذا فد سؤال شفتة ومااستذكرتة بسرعة مايشتت ذهنك ويقلل تركيزك.
12-اعتني بترتيب دفترك ولا تضل تكتب وتمسح وتجاوب بسرعة وخطك يصير مطعوج .
13-اتأنى بقراءة السؤال ولا تقرى بداية السؤال وكبل تروح تجاوب،خطأ هل الشي لان احتمال كبير تنسى المطلوب بنهاية السؤال وتضيع عليك نص الدرجة.
14-من تحل اول فرع راح تنتهي الرهبة من الامتحان وكل التوتر والقلق ينتهي او يقل تدريجيا لان عقلك جاي يستذكر وخالف شعور النسيان الي واجهتة من طبيت للمركز الامتحاني.
15-وانت جاي تحل وكفت بفد فرع او نقطة وما استذكرته او ماتعرفة لا تشنج عقلك وتكوم تعصر بي كوة، خلي يستذكر المعلومات بالتدريج ،بهاي الحالة حط علامة ع الاسئلة كدام النقطة وعوفها للاخير واعبر ع الي بعدة حتى متضيع وقتك ،ضروري تحط علامة حتى متنساها.
16-النقطة الي نسيتها او ماعرفت جوابها وتركتها للاخير من تكمل وتوصللها خليك طبيعي ولتخاف منها حتى ميقل تركيزك ومتواجه صعوبة بالاستذكار.
17-ركز ع السؤال اذا بي ترك ضمني او لا ،،مو فد نقطة ما تعرفها كبل تكتب ترك عليها.
18-اذا قريت فد سؤال وماستذكرته بسهولة لا تضيع وقتك بي خلي علامة عليه واعبر ع البعدة ولا ترتبك نهائي خليك هادئ.
19-لا تستعجل وتسلم الدفتر كبل وانت بعدك ممراجعه ترى الدنيا مطايرة ،اكعد راجع الدفتر سؤال سؤال فرع فرع نقطة نقطة جواب جواب،قارن الجواب مع السؤال لان نوبات تجاوب جواب وهو مو مال هذا السؤال.
20-اتاكد من الترك ايضا ،وراجع ملف الدفتر الامتحاني بنصيحة رقم 11.
21-من تطلع من القاعة اطلع عدلي وكبل على بيتكم ولا تتلفلت يمنى ويسرى ،وتبقى تضيعلك ساعة وساعتين تبسط سوالف وية اصدقائك.هاي الساعتين الها وزنها اذا استغليتها بالراحة بعد الامتحان.
22-اياك ثم اياك تروح تدور ع الاجوبة او من ترجع للبيت تطلع الاجوبة النموذجية، خطأ هذا الشي لان راح يأثر عليك سلبيا اذا طلع عندك غلط بنقطة او سؤال وراح يصير عندك احباط ويأثر على باقي الامتحانات.
23-من كملت الامتحان خلص انسى كل شي يتعلق بي لان صار ماضي ،ركز ع المادة الي بعده.
24-اذا سمعت احد يصيح الاسئلة صعبة وخارجية وناس تمسح وتطلع ،طنشهم اي طنش ولتخلي عقلك ياخذ فكرة انو الاسئلة صعبة وهي سهلة عندك (انت دارس المادة وفاهمها صح لتهتم ابد) .
انتهى
وفي نهاية الموضع شكراً لزيارة الموقع
الي حاب يشترك بقنوات ومواقع احمد الداوودي الروابط ادناه ..
-----------------
القناة الرسمية على اليوتيوب أضغط هنا
الموقع الرسمي على الانترنت أضغط هنا
الصفحة الرسمية على موقع الانستكرام أضغط هنا
القناة على التلكرام أضغط هنا
صفحة الفيس بوك الرسمية أضغط هنا
كروب اسئلة الامتحانات الشهريه اضغط هنا
موقع المدونه الرئيسي (احمد الداوودي) اضغط هنا
موقع المدونه الثاني (اتعلم ويانه) اضغط هنا
علماً ان الموقع بأدارة
اذا كنت اتفكر تدعم كل قنوات ومواقع احمد الداوودي من خلال الطرق ادناه للتواصل الاوسع في خدمة طلاب العراق والعالم العربي ... 👇
1 - للدعم المادي على الرقم الخاص بالموقع لتحويل الرصد والدعم على الرقم ادناه
07500824814طريقة تحويل الرصيد بالكورك
اتصل على *215* الرقم المطلوب تحويل الرصيد اليه * المبلغ الذي ترغب بتحويله # اتصال ثم تاكيد
2 - واذا كان عندك حساب وتريد تدعمنا هذا رابط الدعم على البايبال أضغط هنا
توضيح مهمه |
الموقع غير مسؤول عن رأي او تصريح في التعليقات الموجوده بصفحات الموقع , وكل شخص يمثل نفسه , والموقع مراقب من قبل مدير ادارة الموقع , ونحن لانتحمل اي تبعات او مسائل قانونيه حيال الاساءه او غيرها في التعليقات , تحياتي وتمنياتي لكم بالموفقيه .. احمد الداوودي
------------------
نصائح مهمه لطلاب الصفوف المنتهيه قبل دخولك لقاعة الامتحان وعند الدخول يجب الالتزام بيها لضمان التفوق والنجاح