شرح مفصل عن دوام الانتساب جميع الايجابيات والسلبيات والنصائج المهمه
شروط وتعليمات الانتساب , ماهو الانتساب ؟ الايجابيات والسلبيات ؟ اهم النصائح من الاساتذه للطالب و ولي الامر , فائدة الانتساب , ممكن الطالب الاعتماد على نفسه خلال فتره التدريس بالبيت , كل هاي الاسئله مع بعض الملاحظات من خلال التفاصيل ادناه للاستاذ سالم ال منصور.
اهلاً بكم في الصفحه المخصصه اخبار وزارة التربيه
رابط قناتنا على التلكرام بالضغط هنا جميعها تحوي الاف الملازم والملخصات وزاريات اخبار التربيه , وتفاصيل عن كل الجامعات والمعاهد واخبار التعليم العالي .. شرح مفصل عن الانتساب لطلبه المدارس العراقيه
بصورة مبسطة الانتساب هو لكل الاهل الي يرغبون بتدريس اولادهم في المنزل دون الذهاب للمدرسة وبامكان الطلبة متابعة دروسهم في المنزل عبر المنصات الالكترونية المختلفة فقط شرط حضورهم لامتحان نصف السنة نهاية الكورس الاول واخر السنة نهاية الكورس الثاني اذا كان مرحلة غير منتهية اما المراحل المنتهية هسه راح نحجي عنها بس نفس الشيء هم يبقه بالبيت
شنو هو نظام الانتساب
الإنتسـاب : معناه أن الطالب يكعُد بالبيت ومَيروح للمَدرسـة و ما يداوم،ويعتمد أعتمـاد كلـي عَلى نفسـة،هوَ يصير الطالب والمُدرس،من ناحيـة الألتزام وكلشيء،طبعاً المطلوب فقط من طالب الإنتسـاب أنُ يروح يأدي أمتحانات نُـصف السنـة والإمتحانات النهائيـة (الوزاريـة). وأكيد مطلوب منك أنُ تنجح ع الأقـل بـ5 أو 4 مـواد حتى تتأهـل للإمتحان الوزاري!.
 |
| الاجوبه عن كل ما يخص الانتساب ما المفيد والسلبيات في دوام الانتساب لطلبه عام 2022 - 2023 |
ايجابيات نظام الانتساب
أيجابيات الإنتسـاب :
1- يوفـر وقـت الروحـة والرجعـة من المدرسَـة.
2- شوكت مَتريـد تدرُس بالوقـت إللـي يعجبك،إذا كان نظامك صَباحـي أو ليلـي،هالشيء راح ترتاح إلـة.
3- إذا كنت طالب يـوتيوب راح تدرس ع المدرس إللـي يعجبك,أو إذا كنت طالب خصوصـي راح تستمر ويا الأساتذة إللـي متعود عليهـم.
سلبيات نظام الانتساب
سلبيات الإنتسـاب:
1- حَتكون أنتَ مسؤول عَلى نفسك من ناحيـة الإمتحانات والتحاضـير والإلتزام (هالشيء مو كل الطُلاب تكدرلـة!).
2- ماكو إحـد عَ راسـك لا أمتحانات شهريـة ولا يوميـة الإعتماد راح يكون كلياً على الطالب نفسـة!.
3- مُمكن تمـل وواهسك يخـرب وتبقى تسخت هوايَ!.
شروط الانتساب
ملاحظة مهمة
يفيدنـي الإنتسـاب؟!.
-يفيد طالب الخصوصـي واليـوت بأعتبارهُـم أتعودوا عَ أساتذتهُم ومن أشهُـر ديدرُسون وياهُـم،فَـ مَيحتاجون يرحون للمدرسـة ويضيع وقتهُـم ، أما إذا أنتَ طالب بعدك مَ مبلش لا خصوصـي ولا يـوت،فَـ المدرسـة حَ تكون الحل الأفضـل ألك!.
أسوي أنتسـاب أو لاء؟!.
-طبعاً هالشيء الطالب نفسـة يحددة!،إذا كان يكدر يعتمد عَ نفسـة ويلتزم ومَ يسخـت حَ يكون الإنتسـاب مُناسب إلـة،إما إذا الطالب مَ متأكد من نفسـة فَـ الأفضل أنُ يداوم ويلتزم بـ المدرسـة.
إذا سويت إنتـساب مَ أكدر أطلع معدل؟!
-طبعاً كلش هوايَّ شفـت طُلاب ديكولون أنا سويت أنتسـاب وتندمت وهياتنـي مَطلعت مُعدل وحَعيد سنـة!،يعني أڪيد هنا الخلل حَيڪون من الطالب نفسـة هوَ كان مَ حاب الدوام وسوا أنتسـاب وبقىٰ يسخت يسخت ومَ ألتزم!،فَـ أكيد هنا حَيعيد يعني من ويـن مثلاً يجيك المُعدل إذا أنت مَدرست ومَ عرفـت تتلزم وتعتمد عَ نفسك؟!!،أكيد هنا الطالب حَ يفشـل وحَيكول أي لإنُ سويـت أنتساب مَطلعت مُعدل؟!ويبدأ ينصح ويسوي براس الطُلاب !،لاء مو هيج الانتسـاب نظام حلو وللطالب إللـي يلتزم من صدُك ومتأكد من نفسـة!.
شـلون ممكن أعتمد عَ نفسـي؟!.
-هالشيء يعتمـد عَ الطالب وحُرصَة،أكو هوايَّ قنـوات عَالتلـي تكدر تلتـزم وياهُـم أمتحانات وهـيچ،وبوتـات هَم أكو كلش هوايَّ ومرتبيـن،أكو بـوت نيوتن وبوت مُصطفى الهيتي،هذولـي كلش مرتبيـن،تكدر بعد متخلص كل فصل تروح للبوتات وتمتحن نفسك،
بالنهايـة هَالشيء يرجـع للطالب ومدى أمكانيتـة وألتزامـة حَيكون مسؤول عَ نفسـة،وحَتتحمـل كل الإشيـاء إللـي تصيرلك ولازم تتجاوزها،وأياً كانت النتيجـة حَتكون أنتَ مسؤول عنهـا.
فكروا زيـن بـ الموضوع لَتتسرعون،لترحون للمدرسـة أسبوع وشوفـوا نفسكم إذا كدرتـوا تلتزمـون أو لاء،وبعدها قرروا.
يعني بالمختصر نظام الانتساب
الانتساب : نظام دراسي منزلي عملت بهِ وزارة التربية في السنوات الاخيرة ، وهو نظام اختياري ، وليس اجباري على الطالب.
الانتساب بالعامية : يعني انت تقدم انتساب وتروح بالبيت تدرس تجي فقط تمتحن امتحانات نصف السنة ودرجات نصف السنة هي السعي السنوي مالك ، يعني تتعامل حالك حال طالب اللي يداوم بالمدرسة من حيث القرارات الصادرة من وزارة التربية
شنو ايجابيات الانتساب ؟
الايجابيات تختصر وقت الدوام بالمدرسة لانك ماراح اداوم مدرسة وهذا يوفرلك وقت أكثر للدراسة وخصوصا للي داخل خصوصي.
سلبيات الانتساب ؟
انت راح تمتحن امتحان واحد وهو فقط نصف السنة يعني فرصة واحدة اذا وكعت بدروس ماراح تكدر تعدل درجاتك وخصوصا للصفوف المنتهية .
فنصيحة : اذا كان مستواك ضعيف وتعرف بنفسك ما تنجح بنصف السنة لا تقدم انتساب وبالاخص الصفوف المنتهية .
الى هنا ينتهى الموضـــــــوع
وفي النهاية شكراً لزيارة الموقع
الي حاب يشترك بقنوات ومواقع احمد الداوودي الروابط ادناه ..
أنتباااه ...
لمزيد من المعلومات والاخبار التربويه زياره الموقع بكتابة اسم احمد الداوودي على موقع (الكوكل) ستحصل على ملازم ودروس وملخصات لكل المواد والصفوف بالاضافه الى كل مستلزمات الطلبه وكل جديد ومميز (اخبار التربية , حذوفات 2022 , مقالات منوعه , حلول اسئلة التلفزيون التربوي , جميع العقارات (دور مجمعات شقق اراضي شاليهات فلل , اسئلة شهريه , مدارس المتفوقين والموهوبين والمتميزين , مرشحات وزاريه , مقالات منوعه , قصص وحكايات , اخبار المدارس المهنيه واعداديات التمريض , اخبار التعليم العالي للجامعات والمعاهد)
توضيح مهمه |
موقع ومدونة احمد الداوودي غير مسؤول عن رأي او تصريح لاي شخص في التعليقات الموجوده بصفحات الموقع , وكل شخص يمثل نفسه , ونحن لانتحمل اي تبعات او مسائل قانونيه حيال الاساءه او غيرها في التعليقات , تحياتي وتمنياتي لكم بالموفقيه ..
ــــــــــــــــــــــــ
الاجوبه عن كل ما يخص الانتساب ما المفيد والسلبيات في دوام الانتساب لطلبه عام 2022 - 2023
أو 
أو 
أو 
أو 
أو 