بعض الاسئله الوارده من خريجي السادس الاعدادي للعام الحالي حول التقديم للجامعات للدور الاول والدور الثاني
بعض الاسئله المهمه لطلاب السادس الاعدادي الناجحين في الدور الاول والمكملين للدور الثاني عن كيفية التقديم للجامعات والمعاهد مع بعض الملاحظات البسيطه .
- للاشتراك بقناة التليكرام اضغط هنا
- للاشتراك على صفة الفيسبوك الرئيسة اضغط هنا
للاطلاع على كل سنوات معدلات الحد الادنى اضغط هنا
ضوابط تعريفية للطالب قبل التقديم على الجامعات
الجواب :
- تأخذ ريست اسبوع وتبدي تطلع على الجامعات والمعاهد و تنضم للكروبات وتابع الاقسام وشنو زين وشنو ايجابيات وسلبيات الاقسام الي حاب تقدم عليه من ينفتح التقديم وتتعرف بشكل سطحي كلش على الية التقديم ..
2. اني طالب دور ثاني اجلت مادة او مواد شنو وضعي ؟
الجواب :
- طبيعي كلش اذا انت ماجل مادة ثنين اخذلك ريست فترة وابدي ادرس للدور الثاني , اما اذا ماجل هواي فحاول تاخذلك ريست كم يوم وبلش وبجدول واستعد للامتحانات .
3. اني طالب دور ثاني راح ينفتح التقديم لجماعة الدور الاول وحد والنا وحد لو شلون ؟
الجواب :
- اطمئن ابو دور الاول مايقدم اذا ما انتوا تخلصون امتحاناتكم وتقدمون سوا ، او يتم فتح النافذه مره اخرى للدور الثاني اذا تأخرت موعد امتحانات الدور الثاني لضروف , يعني بين قوسين الدور الثاني عن الاول متفرق شيء فقط الدرجة الي حتنضاف لابو دور الاول وابو الدور الثاني مراح يحصلها وبس ، اما تقديم ثنينكم سوا.
4. اني كطالب نجحت تكدر تحجيلي شكم تقديم اكدر اقدم ؟
الجواب :
- عزيزي انت من نجحت وحصلت معدلك ومدير مدرستك انطاك الرقم الامتحاني والرقم السري ، ونفتح التقديم حيحقلك تقدم كل التقديمات ، وكل وحدة بوحده وهن كالاتي :
• مركزي حكومي صباحي ⬅️ تابعة لوزارة التعليم.
• موازي حكومي صباحي ⬅️ لوزارة التعليم.
• مسائي حكومي⬅️ لوزارة التعليم.
• اهلي صباحي،مسائي ⬅️ لدائرة التعليم الاهلي.
• معهد نفط ⬅️ تابعةه لوزارة النفط.
• معهد الصحة العالي ⬅️ لوزارة الصحة.
5. التقديم من ينفتح كبل مباشرة اقدم ؟
الجواب :
- لا عزيزي لاتقدم مباشرة الا في حال حصلت كل المعلومات بخصوص التقديم وشلون الية القبول تصير يم الوزارة ونظام المفاضلة هاي كلها تتعلمها يلا تقدم حتى تعرف شلون تقدم ولاتضيع عليك لان خطأ بسيط تقديم تاخير كلية على كلية قسم على قسم ممكن يبعد احتمالية قبولك ، فحصل كل المعلومات يلا تقدم .
6. زين القبول ونظام القبول يختارلي كل الاقسام الي تقبل معدلي وادناه لو يتحدد بقبول واحد فقط ؟
الجواب :
- الاستمارة ٥٠ حقل تختار كليات واقل شيء لازم تختار ١٠ معاهد ،هنا تكتب ادبي 15 كلية و10 معاهد , القبول راح يجي لاول اختيار قبلك خيرا ما قبلك ينزل للثاني ، الثاني كذالك ، الثالث الرابع فالنفرض اختيار السادس قبلك , يجي لاختيار السادس اذا قبلك مباشرة يرفض باقي الاختيارات ويطلع النتيجة الهم وبعدين الوزارة تجمعهن لكل الطلاب وتعلن النتائج وبملف واحد لكل طلاب العراق , فالقبول المركزي قبول واحد فقط، لهذا نكول بالاستمارة لاتستعجل حصل كل المعلومات وبعدين قدم .
7. التقديم شلون اقدم وعلى , شنو اعتمد ؟
الجواب :
- التقديم تعتمد على الحدود الدنيا مال العام السابق حتكول شلون يصير ، اكلك يصير كلتنا قدمنا هيج، حتكلي اريد الحدود الدنيا مال هالسنة ، اكلك شلون تريد حدود دنيا مال هالسنة وانت ما مقدم ؟
- الحدود الدنيا هاي مثل محصلة تقديمكم يتم نشره من قبل الوزارة بعد ما تقدم ويطلع قبولك ووراها بفترة ينشرون الحدود الدنيا مال سنتك.
8. الحدود الدنيا مال هاي السنة وين احصلها ؟
الجواب :
- مكو شيء اسمه الحدود الدنيا مال هذا العام ، تقدم وتحصل قبولك ورا باسبوع ينزل الحدود الدنيا مال سنتك. الحدود الدنيا يا عزيزي هو بمثابة محصلة ، او احصائية تمام، الحدود الدنيا لكل الاعوام السابقه اضغط هنا للحصول عليها .
مثلا تحجيلك عن جامعة بغداد / كلية الطب هالسنة قبلت اقل معدل هو صاحب معدل ١٠١.٣ مثال وللدراسة الاحيائية, وبحدود ٢٩٩ طالب ،
يعني اخر طالب نقبل كان معدلة ١٠١.٣.
مثلا جامعة الموصل / كلية الحقوق قبلت معدل ٨٠ للادبي ، لـ١٤٠ طالب.
ومعدل ٨٢ للتطبيقي ل ١٣٠ طالب.
ومعدل ٨٥ للاحيائي ل ١٤٣ طالب.
مثلا جامعة الموصل / كلية الحقوق قبلت معدل ٨٠ للادبي ، لـ١٤٠ طالب.
ومعدل ٨٢ للتطبيقي ل ١٣٠ طالب.
ومعدل ٨٥ للاحيائي ل ١٤٣ طالب.
انتهى الموضوع شكرا (لك / لكِ)
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
مهم لك عزيزي الزائر الكريم شرفتنا ونحب تواجدك معنا
قنوات ومواقع التواصل الاجتماعي الرسمية احمد الداوودي تابعنا باي مكان تريد حيث المصداقية والحقيقة في النشر اولا باول وهذه هي المواقع الرسمية
اختر ما تريد بالضغط على الايقونات ادناه
أو 
أو 
أو 
أو 
أو 
وتقبلو تحياتي
التعريف بالموقع : هذا الموقع تابع لاحمد الداوودي بشكل رسمي وكل ما ينشر في الموقع يخضع للمراقبة ونحن غير مسؤولين عن التعليقات على المواضيع كل شخص مسؤول عن نفسه عند كتابة التعليق بحيث لا يتحمل موقع احمد الداوودي اي مسؤولية قانونية حيال ذلك
اسئلة شائعه ومهمه لطلبة السادس الاعدادي الخريجين للتقديم على الجامعات والمعاهد الدور الاول والثاني