نبذة مختصره عن كليات هندسة الحاسوب في الجامعات العراقية

بأختصار عن هندسة الحاسوب في جامعات العراق

- للاشتراك بقناة التليكرام اضغط هنا
- للاشتراك على صفة الفيسبوك اضغط هنا

كليات هندسة الحاسوب في العراق 

نبذه ومعلومات مهمة ومختصرة عن هندسة الحاسوب
نبذة مختصرة عن هندسة الحاسوب هي احدى فروع الهندسة الكهربائية وهو الاختصاص الذي يجمع بين الهندسة الالكترونية وعلوم الحاسوب مهندسين الحاسوب همه نفسهم مهندسين الكترونيات اساسا وعدهم معلومات اضافية وتدريب وخبرة في مجال تصميم البرامجيات والمكونات المادية للحاسوب خصوصا في مجال تكاملها يشارك مهندسو الحاسوب في جميع مجالات الحوسبة من تصميم المعالجات المايكروية والحواسيب الشخصية بالاضافة الى تكامل الانظمة الحاسوبية مع انواع اخرى من الانظمة ويمنح المتخرجين شهادة البكالوريوس في قسم هندسة الحاسوب .
انضم لقناتنا على التليكرام لتصلك المواضيع الجديدة : للانضمام اضغط هنا

ما هو هندسة الحاسوب

زين شكد المعدل الي تقبله هندسة الحاسوب ؟
🔸 الفرع الاحيائي : ٩٣،٩ .
🔸 الفرع التطبيقي : ٨٥،٤ .

تمام زين تعيينها مركزي ؟
🔸 تعيينها غير مركزي بس مرغوب زين ليش مرغوب شلون ؟ لان التكنولوجيا كاعد تتطور ودوائر تحتاج الى مهندسين حاسوب حتى يكونون مع التطور .

بعد الدراسة شنو اكمل دراسة ؟
🔸 راح تاخذ البكلوريوس في هندسة الحاسبات عبارة عن ٤ سنوات دراسية بالاضافة الى تدريب صيفي بعد السنة الثالثة حسب نظام الجامعة طبعا وتركز هذه الدرجة ع جميع مواد الحاسبة بشكل متساوي تقريبا حسب مواد الثانوية والاولية ينحسب معدلك وتكدر تكمل ماجستير الدراسة
سنتين وبعدها تكدر همين تكمل دكتوراه ٤ سنين .

زين شلون أتعين ؟
🔸 تتعين بكل دوائر الدولة لان بكل دائرة لابد من وجود مهندس حاسوب يشتغل على الكومبيوتر وطبعا شي اكيد لا تنسون الشركات الاهلية تدور مهندسين الحاسوب المبدعين بمجالهم والعدهم خبرة .

اكو هندسة حاسوب اهلي ؟ زين شكد المعدل والقسط ؟
🔸 اي نعم اكو اهلي تقبل معدل 60 صباحي و مسائي 58 اهلية للفرعين حسب حدود دنيا للعام الماضي اقل قسط 2,500,000 .

زين اكو موازي ؟
🔸 اي نعم اكو اقل من قبول المركزي ب ٣ درجات والقسط تقريبا 3,000,000 .

شلون اكدر اطور نفسي بالعطلة قبل الدوام ؟
🔸 تكدر تدخل دورات تطور بيها نفسك او تشوف ع يوتيوب شروحات تفيدك كولش حاول تستغل العطلة وتطور من معلوماتك لان راح تستفاد منها بالمستقبل هواية .

شلون توزيع الوحدات ع كل مرحلة ؟
🔹 المرحلة الاولى : 10% .
🔹 المرحلة الثانية : 20% .
🔹 المرحلة الثالثة : 30% .
🔹 المرحلة الرابعة : 40% .

زين شلون طبيعة دراستها ؟
🔸 تحتاج متابعة وتركيز وفهم وعقل يشتغل دائما دراسة حلوة كولش وممتعة اذا جنت تحب القسم راح تبدع تحتاج تقرا مصادر خارجية تشوف يوتيوب حتى تسيطر ع مواد وتطور نفسك .

شلون تقسيم درجات كل مادة ؟
🔸 نظري وعملي : النظري ٢٥ وعملي ١٥ .
والسعي من ٤٠ وفاينل من ٦٠ واكيد تقسيمات تختلف من جامعة الى اخرى .

شلون اكدر احصل ع هذا القسم اذا جان معدلي اقل من المعدل المطلوب ؟
🔸 اذا جنت انت الاول ع مرحلة في مرحلتك الدراسية الاولى تكدر تحول الى هندسة حاسوب من احدى كليات او الاقسام الاتية :
🔹 كلية علوم الحاسوب والرياضيات ما عدا قسم الرياضيات الطبية .
🔹 كلية علوم قسم نظم المعلومات الحاسوبية .
🔹 قسم علوم الحاسوب .
🔹 قسم علوم الرياضيات والرياضيات التطبيقية .

💠 نصيحة : قسم الحاسبات كولش حلو وبالنسبة للدراسة اذا تدرس تنجح والمواد كولش حلوة وطبعا يراد شخص يفكر لان اغلبها برمجه وثانيا يكدر يشتغل باكثر من مجال وكل شخص يكدر يطور نفسه بنفسه والحاسبة اصلا شي كولش حلو وبس اسمك اختصاص حاسبات كافي .

شرح كليات هندسة الحاسوب في العراق




حجم الخط
+
16
-
تباعد السطور
+
2
-