نبذه عن قسم التربيه البدنيه في الجامعات الحكوميه بالكامل

Aboody

التربية البدنية والعلوم والرياضية بالتفصيل لهذا العام

اهلاً بكم في موقع ومدونة احمد الداوودي في قسم الجامعات والمعاهد العراقيه,..

شرح قسم التربية البدنيه والعلوم الرياضيه في الكليات الحكوميه

- هوايه ميعرفون شنو هذه الكلية و شنو يكدر يشتغل الي يتخرج منها و هل اكو فعلا عمل لو مجرد فرضيات

ملاحظة : هذه الكلية تمنح شهادة البكالوريوس في التربية البدنية و العلوم الرياضية

و الي يحب يكدر يكمل دراسات عليا و يحصل ماجستير او دكتوراه و يكون استاذ جامعي

- حتى تنقبل بهذا القسم لازم تقدم مباشر يعني تروح للكلية و لا يقل معدلك عن ٦٠ للذكور او ٥٧ للأناث ( اكو كلية خاصة بالبنات فقط )

- بالكلية يدخلوك اختبار طبي يم طبيب باطنية مختص بفحص الطلبة المقدمين يعني لازم ما تعاني من اعاقة او مرض يعيقك كلاعب او مدرب رياضي او حكم مستقبلا

- الدراسة بهذه الكلية جدا ممتعه و كأنما انت مشترك بمركز رياضي عدا كم شغله لازم تدرسهن مثل فسلجة التدريب الرياضي و اللغة الإنكليزية و اللغة العربية و تاريخ الرياضة و بعض الأمور الي تعتبر الجانب النظري

- الي يتخرج من هذه الكليه ممكن يحصل عمل بدوائر الدولة كمدرس رياضة و ممكن يشتغل عمل بالقطاع الخاص بمراكز التدريب الرياضي و الأندية و الجم و غيرها من مجالات العمل و ايضا تكدر تشترك بكافة البطولات الأولمبية ضمن فريق كروي او فردا واحدا في حال لعبة فردية مثل الجمناستك او العاب القوى

بما انه بقيت لنهاية المنشور خلي احجيلك شنو تتعلم بعد ما تكمل دراسة :

الطب الرياضي

التحكيم

علم حركة الجسم

كرة القدم

كرة السلة

كرة اليد

كرة الطائرة

الملاكمة

السباحة

الساحة و ميدان

الاثقال